Ndihmëssekretari amerikan i Shtetit për Çështje Evropiane dhe Euroaziatike, James O’Brien, është takuar të mërkurën me ministrin kosovar të Mbrojtjes, Ejup Maqedonci.
O’Brien ka thënë se FSK-ja vazhdon të ketë mbështetje, teksa e ka cilësuar atë profesionale dhe të ndërveprueshme nga NATO-ja.
Ai ka shtuar se në takim me Maqedoncin është riafirmuar partneriteti midis SHBA-së dhe Kosovës.
“Ne e mbështesim Forcën e Sigurisë së Kosovës derisa ajo kalon në një forcë mbrojtëse territoriale multi-etnike, profesionale, të ndërveprueshme nga NATO-ja, që i nënshtrohet mbikëqyrjes civile. Sot u takuam me ministrin kosovar të Mbrojtjes, Ejup Maqedonci dhe riafirmuam partneritetin tonë me Kosovën”, ka shkruar ai në platformën “X”.
We support the Kosovo Security Force as it transitions to a multi-ethnic, professional, NATO-interoperable, territorial defense force, subject to civilian oversight. Great to meet Kosovan Minister of Defense @EjupMaqedonci today & reaffirm our partnership with Kosovo ??. pic.twitter.com/9rL4odVgMe
— Assistant Secretary Jim O'Brien (@StateEUR) December 13, 2023
