Ministri i Brendshëm, Xhelal Sveçla, thënë se të gjithë kamionët me targa të Serbisë deri në një vendim tjetër nuk mund të futen në Republikën e Kosovës.
Ai ka thënë se kamionët me targa tjera të cilët nuk kanë mallra serbe, mund të hyjnë në Kosovë.
Sveçla ka thënë se me qëllim të parandalimit të kontrabandës qysh më herët është bllokuar rruga në të cilën janë rrëmbyer policët. Ai ka shtuar se janë bërë gropa të cilat janë dëshmi që policët nuk kanë qenë në territorin e Serbisë siç ajo pretendon. Ka shtuar se “të gjithë ata që e shkelin ligjin do të sillen para drejtësisë”.
