Arianit Elshani, përfaqësues i Partisë Demokratike të Kosovës në Komisionin Qendror të Zgjedhjeve, është shprehur i zhgënjyer me numrin e ulët të votuesve në zgjedhjet lokale në veri të Kosovës.
Ai ka thënë se shifrat tregojnë “mjerisht, që më shumë ka staf e policë sesa që ka votues”.
Në një deklaratë për KTV-në të dielën pasdite, Elshani ka thënë se KQZ-ja ka bërë gjithçka që ka qenë e mundur të mundësojë votimin, por sipas tij, janë rrethanat politike determinuese për pjesëmarrjen në votime.
Deri në orën 15:00, sipas të dhënave zyrtare, kanë votuar vetëm 2.4 për qind e qytetarëve me të drejtë vote në katër komunat në veri të Kosovës.
