Në Rudarë, afër Zveçanit, tek vendi i njohur si “kryqi”, janë mbledhur serbët lokalë. Aty janë parë edhe burra të maskuar.
REL-i mëson se mes atyre që janë thirrur të dalin në rrugë janë edhe punëtorët e institucioneve serbe të arsimit dhe shëndetësisë.
Në Rudar janë vendosur katër kamionë dhe tetë automjete të ambulancës.
Bllokimi i rrugëve vjen pasi siç ka thënë Petar Petkoviqi, është arrestuar ish-polici serb, Dejan Pantiq.
Arsyeja e arrestimit të tij ende nuk dihet.
Raportohet se te barrikadat në Leposaviq ka arritur EULEX-i dhe KFOR-i.
Serbët lokalë bllokojnë rrugën në Rudar, lëshohen sirena në veri
Qytetarët serbë në veri kanë filluar të mblidhen në Rudar, në afërsi të Zveçanit.
Sipas informatave të REL-it nga terreni, rrugët janë bllokuar në Rudar, komuna e Zveçanit, si dhe në Leposaviq.
Po ashtu, në Mitrovicën e veriut dhe në Rudar janë dëgjuar sirenat.
Në Rudar janë parë edhe automjetet e ndihmës së parë.
Sipas informatave nga vendi i ngjarjes, aty janë parë burra të maskuar dhe gra.
Arsyeja e mbledhjes ende nuk është bërë e ditur, por raportohet se kjo vjen pasi thuhet se është arrestuar Dejan Pantiq, ish pjesëtar i Policisë së Kosovës.
Në këtë vend, Rudar, më herët janë ngritur barrikada nga serbët lokalë.
Shefi i të ashtuquajturës Zyrë për Kosovën në Beograd, Petar Petkoviq, ka deklaruar se në Jarinjë sot është arrestuar Dejan Pantiq, ish pjesëtar i Policisë së Kosovës./ REL
{gallery}
