Tetë raste me koronavirus janë regjistruar të mërkurën në Kosovë, nga gjithsej 255 mostra të testuara, ka bërë të ditur Instituti Kombëtar i Shëndetësisë Publike në Kosovë.
Rastet pozitive janë raste kontakti nga: komuna e Rahovecit 4 raste (sipas vendbanimit: 4 raste Rahovec), komuna e Mitrovicës 2 raste (sipas vendbanimit: 2 raste Mitrovicë) dhe komuna e Vushtrrisë 2 raste (sipas vendbanimit: 2 raste Vushtrri).
Të mërkurën nuk është regjistruar asnjë i shëruar.
Deri tash në Kosovë janë infektuar 927 persona. 29 persona kanë vdekur e janë shëruar 671. Në total janë testuar 10642 mostra të dyshimta.
