Pranë Presidentit të Republikës së Shqipërisë ka pasur fluks aplikimesh për plotësimin e dy vendeve në Gjykatën Kushtetuese.
Për pozitën e hapur që la Sokol Berberi shprehën interes 22 kandidatë. 15 prej tyre kanë shprehur interes edhe për pozitën e përkohshme që u krijua pas dorëheqjes së Besnik Ymerajt.
Për listën e parë bien në sy emri i Kristaq Trajës dhe ish-kryeprokurorit Theodhori Sollaku, ndërsa interes për të dy pozitat kanë shprehur disa emra të njohur publikisht si prokurorët Rovena Gashi dhe Besnik Muçi, anëtari i KQZ-së, Denar Biba, apo dhe disa prej garuesve që nuk u bën dot anëtarë të Këshillit të Lartë Gjyqësor dhe Këshillit të Lartë të Prokurorisë, shkruan Kosovapress.
Sipas Kushtetutës, Këshilli i Emërimeve në Drejtësi bën vlerësimin e kandidatëve dhe i rendit sipas meritës profesionale. Presidenti i Republikës zgjedh anëtaret mes kësaj liste.
Por Këshilli i ri i Emërimeve në Drejtësi u zgjodh pa vetting. Pikëpyetja që ngrihet është nëse KED do të bëjë renditjen e kandidatëve para, apo pas verifikimit nga organet e vettingut.
Lista e kandidatëve:
Alban Brati
Avni Shehu
Besnik Muçi
Dedë Kasneci
Denar Biba
Gëzim Allaraj
Ilir Mustafaj
Ilir Panda
Kristaq Traja
Luan Dervishi
Petrit Kaj
Rexhep Bekteshi
Sinan Tafaj
Theodhor Sollaku
Vladimir Gërmenji
Ardita Alsula
Arta Vorpsi
Elsa Toska
Regleta Panajoti
Rovena Gashi
Valbona Bala
Zhaklina Peto
