Koci thotë se Serbia do të dështojë me “provat e reja” ndaj Haradinajt

11 Janar 2017 - 19:43      

Arianit Koci, përfaqësuesi ligjor i Ramush Haradinajt, thotë se Serbia do të dështojë me “zgjerimin e hetimeve” ndaj ish-kryeministrit të Kosovës.

Serbia sot ka njoftuar se ka siguruar prova të reja kundër ish-kryeministrit Haradinaj, që po vazhdon të qëndrojë në paraburgim në Francë, pas ndalimit ditë më parë bazuar në urdhërarrest të Serbisë, lëshuar në vitin 2004.

Koci ka deklaruar se Serbia sërish do të dështojë duke marrë për shembull edhe rastin e Ejup Ganiq.

Nesër në orën 11:00 pritet të mbahet seanca gjyqësore ndaj Haradinajt.

“Nuk është hera e parë që Serbia tenton t'i arrij qëllimet politike duke përdorur manovrime, manipulime dhe abuzim në procedime penale.

Kësaj here po pretendohet të arrihet qëllimi politik, nëpërmjet kinse zgjerimit të hetimit kundër z. Haradinaj.

Por, kjo nuk do të ketë sukses, para drejtësisë franceze. Në një rast të ngjashëm, atë të Qeverisë së Serbisë kundër Ejup Ganić, Gjykata e Mbretërisë së Bashkuar, me gjyqtarin Tim Workman, ka konstatuar se ka abuzim me procedimin penal, dhe rrjedhimisht kërkesa e Serbisë për ekstradim është refuzuar.

Besojmë fuqishëm se edhe kësaj radhe, do të del fytyra e vërtetë e Serbisë, dhe se gjyqësia franceze do të veprojë drejtë, ashtu siç e parasheh ligji, rregullat ndërkombëtare dhe parimi i mirëbesimit!”, ka shkruar Koci në Facebook.

Serbia dje kishte dorëzuar zyrtarisht kërkesën për ekstradim të Haradinajt.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...