A edhe PTK-në doni me e falë, a?

Flaka Surroi Flaka Surroi
Publikuar: 14.04.2013 - 17:21

Kaloi edhe një ditë historike, dhe kjo ishte e hëna për të martën, kur Serbia duhej të pranonte (ose jo) marrëveshjen e ofruar nga Brukseli, e të cilën duket se nuk e ka parë askush pos kryeministrit të Kosovës. Gjatë gjithë javës u dëgjuan deklarata të zyrtarëve serbë e kosovarë për marrëveshjen, të cilën Kosova është e gatshme ta pranojë, por që Serbia e refuzoi me unanimitet në nivel të Qeverisë dhe të Presidencës. Nënkryetari i Qeverisë së Serbisë, Aleksandar Vuçiq, i cili përndryshe i mbetet në kujtim kompanisë mediale KOHA si ministri i informimit i regjimit të Millosheviqit, që urdhëroi mbylljen e gazetës, duke organizuar gjykimin kundër saj, në ditën e diel, më 21 mars 1999 – deklaroi se “Serbia nuk e kishte parë marrëveshjen, porse e refuzonte atë”. Tipike për Serbinë për të refuzuar çfarëdo që vjen nga cilido ndërmjetës ndërkombëtar kur bëhet fjalë për Kosovën. Por, disa ditë më vonë, erdhi një deklaratë po aq e çuditshme nga ministri i jashtëm kosovar, Enver Hoxhaj, i cili tha se “...ne nuk e kemi pasë mundësinë ta shohim marrëveshjen si të plotë”, porse në rastin tonë, shefi i tij kishte deklaruar se e kishte pranuar atë që nga data 4 mars 2013. Po e kam shumë vështirë t’ia gjej logjikën kësaj pune: njëra palë s’e ka parë marrëveshjen, por e refuzon, e tjetra nuk e ka parë, por e pranon... e qysh është pra kjo punë?Sido që të jetë, besoj se është mirë që nuk u arrit marrëveshja që nuk e ka parë askush, sepse nuk jam e sigurt se çfarë tjetër e paparë do të dilte nga ai dokument e që do të mund të na merrte edhe pak në qafë. E besoj se do të ishte mirë që të pritet pak, meqë tash do të kemi zgjedhje komunale, dhe të punohet në përcaktimin se çfarë saktësisht duam që të fitojë Kosova nga kjo fizkulturë politike. Ajo që duket se është shumë e qartë është se fundi i këtij procesi me marrëveshje nuk do ta sjellë njohjen e Kosovës nga të pesë shtetet e BE-së dhe pa kurrfarë dyshimi, nuk do ta sjellë as njohjen reciproke Kosovë-Serbi. Me gjasë do të mund ta sillte nisjen e negociatave për MSA-në ndërmjet BE-së dhe Kosovo*, që vazhdon ta bartë fjollën, e cila as pas dy pranverave nuk po shkrihet, ani që këtë na e kishte premtuar zëvendëskryeministrja Tahiri. Pra, do të jetë negociatë me një entitet e jo shtet dhe kush e di kur do të përfundojë.

Por, natyrisht se ky mendim imi është larg pretendimit të ndryshimit të bindjes së dikujt që tashmë i ka kthyer sytë nga Brukseli dhe se pret që të hënën ose të martën e ardhshme ta marrë konfirmimin pozitiv nga Serbia se e pranon marrëveshjen që nuk e ka parë. Kjo është thjesht shprehja e një lodhjeje me një temë që po na rraskapitë kolektivisht, e që këtij pushteti i shërben si paravan i mrekullueshëm për t’i kamufluar krejt problemet me të cilat ballafaqohemi dita më ditë. Për më tepër, i shërben si alibi e mirë për t’i dhënë shumë pak hapësirë debati shitjes së 75% të aksioneve të një aseti strategjik. Apo do të duhej thënë, për faljen, për interesa shumë të ngushta, e një prone që na takon të gjithë neve.

Dje u hapën dy ofertat për blerjen e PTK-së, në një proces që është cilësuar legal dhe legjitim dhe ku ofertat ishin shpallur të pranueshme. Puna që asnjëri nga ofertuesit nuk i takon ndonjë kompanie të madhe të telefonisë, siç është Vodafone a Deutsche Telekom apo mbase edhe Swisscom, a Orange, a ku ta di unë..., do të duhej të ishte tejet brengosëse dhe indikative, se mbase këtu kemi të bëjmë me një kurdisje, që, siç e kam thënë edhe shumë herë më herët, të shitet Posta për pak para, e që më pas të qarkullojë si mall, pasi t’i jetë shpërndarë pasuria nëpër “adresa” të caktuara të interesuarish... e që në esencë është në kundërshti me vetë objektivin e privatizimit të PTK-së.

Oferta më e madhe erdhi nga Axos GMBH, që ofertoi 277 milionë euro për t’u bërë me Valën dhe Telekomin, por që ofertën e kushtëzoi ashtu që ka kërkuar nga PTK-ja depozitimin, përkatësisht bllokimin e 35 milionë eurove në llogarinë e saj. Që përkthyer shqip i bie se nëse Qeveria e shpall fituese të tenderit, kjo kompani, që është një fond investiv pa ndonjë lidhje, për të mos thënë me asnjë lidhje me telekomunikacionin, do të bëhet me asetin e, më duket të parafundit, strategjik për 242 milionë euro.

Ka katër vjet që Qeveria përpiqet ta privatizojë Postën, qoftë me kontrabandimin e shitjes nëpërmjet ligjit, qoftë nëpërmjet marrjes së përkrahjes së partive opozitare, kinse parimore, në lidhje me Postën. Duhet rikujtuar se shumica e deputetëve të AAK-së e kanë përkrahur shitjen e PTK-së, kur e kishin votuar Ligjin për buxhetin e vitit 2013, që e përmbante linjën buxhetore prej 300 milionëve “si të hyra” (të paspecifikuara), e që nënkuptonte edhe shitjen e Distribucionit e edhe të Postës. E meqë u përmend AAK-ja në kontekstin e Postës, nuk kam sesi të mos e përmend një deklaratë të Ramush Haradinajt nga fillimi i javës së shkuar, që pak a shumë thoshte se çmimi i telefonisë nëpër botë po binte; se para një kohe Serbisë i ishin ofruar 1,2 miliardë për telefoninë e saj, kurse tash nuk i ofrohej as gjysma e asaj shume; se do të ishte mirë të mendonim çka me ba me Postën tonë tash, se kush e di sa pare do të na i jepnin vitin tjetër, nëse vazhdon trendi i rënies e që e dikton konkurrenca gjithnjë më e madhe..., pra me fjalë të tjera, “hajde ta shesim, del ku të del – le të paguajnë, sa të paguajnë”. Psenë e kësaj deklarate nuk po di ta gjej. Nga ana tjetër, nuk dëgjova reagim nga askush tjetër pos “Vetëvendosjes” dhe disa ekspertëve ekonomikë që i thonë “jo” shitjes së këtij aseti në këtë formë.... dhe kjo të bën të dyshosh dhe të jep hapësirë për kalkulime të nduarnduarshme. 

Prandaj, tash, në mënyrën e spekuluesit më të madh, do të doja të ndaja me ju këtë teori konspiracioni. Ligji për buxhetin ka kaluar. Është paraparë shitja e përgjithshme e Postës për rreth nja 300 milionë euro. Oferta më e lartë është 277 milionë – pra 23 milionë më pak sesa që është pritur, e që bën gati 10% të vlerës së ofertuar. Në ofertë kërkohet garancia prej 35 milionësh që do t’u mbeten në pronësi dhe menaxhim fituesve eventualë të tenderit. Kur të mblidhen krejt milionat bashkë, dalin rreth 60, që përafërsisht i bie 20-përqindëshi i vlerës së parashikuar të shitjes. Duke u mbështetur në praktikat e zbatuara në disa institucione e në lidhje me të cilat po zhvillohen procese gjyqësore, kjo shumë përafërsisht paraqet “përqindjen normale” të tallit që duhet paguar për t’u bërë me asetin. Athua, a bën edhe kështu? 

Sepse është shumë vështirë të besohet sa ka çfarëdo argumenti tjetër të besueshëm dhe të qëndrueshëm që do të arsyetonte faljen e PTK-së me këso kushtesh, posaçërisht kur duhet të merren parasysh këto shënime, që janë zyrtare dhe të pranuara nga Administrata Tatimore. Në pesë vjetët fundit Posta ka realizuar fitim të pastër prej 280 milionë eurosh (2008 - 80; 2009 - 50: 2010 - 43; 2011 - 51; 2012 - 56 milionë), pra më shumë sesa ofrohen tash për ta blerë. Kjo do të thotë se PTK-ja, kështu qysh është, me të gjitha intencat për ta zhvlerësuar; me punësimin e të gjithë kushërinjve dhe të afërmve të politikanëve dhe me asnjë investim shtesë, për shkak të procedurave, qëllimshëm obstruksioniste të prokurimit, mund t’i nxjerrë këto para për katër vjet.

Tjetër. Që nga viti 2008, PTK-ja ia ka paguar dividendin Qeverisë, si aksionarit në emër të shtetit, rregullisht, dhe në shuma matematikore i bie 460 milionë euro (demek gjysma e autostradës), që i bie rreth 70 milionë në vit. E tash, nëse ka kompani që me menaxhim super të dobët, por të imponuar politikisht, mund t’i prodhojë gjithë këto para; të krijojë rritje në të hyra dhe në numër të konsumatorëve në të gjitha vitet e kaluara prej se e kontrollojnë kosovarët, përse do të duhej të shitej ajo për kaq pak para, pos nëse dikush i ka mprehur dhëmbët për t’u bërë me ca miliona të lehta në emër të “facilitimit” të procesit. Madje, edhe shpenzimi absolutisht i paarsyeshëm më duket i 8 milionë eurove për “këshilltarin e transaksionit”, demek për dikë që kishe e ka bërë vlerësimin e më pas ka thënë hajde ta shesim me këto kushte, nuk arsyetohet, për shkak se apriori i kemi hyrë kësaj procedure, duke e ditur se nuk mund t’i realizojmë, apo nuk duam t’i realizojmë më shumë se 300 milionë. Sepse 300-milionëshi ka qenë cak i përmendur në të gjitha projektligjet për buxhetin dhe është përfolur aq gjerë e gjatë, sa tash përfundimisht mblidhet në kalkulimin që e paraqita më lart.

E tash, muhabeti i tretë ka të bëjë me rrugën për në Shkup. Nëse edhe kjo i ka nja 80 kilometra, dhe nëse rrugën prapë do ta ndërtojnë ata që i lypin veç nga 10 milionë për kilometër, paret e PTK-së do të mjaftojnë për 24,2 kilometra, që do të thotë se Kosova do të futet në borxh shumë të madh prej 55,8-milionësh për ta ndërtuar atë. Sepse, tash, në vend të, ta zëmë 50 milionëve dividendë, do t’i inkasonte vetëm 12,5 milionë, sepse me shitjen, përkatësisht me faljen e PTK-së, do t’i ruajë vetëm 25% të aksioneve, duke ua bartur njerëzve të huaj edhe të drejtën absolute të kontrollimit të kompanisë. Ndërkohë, do të vazhdojmë të ankohemi sesi nuk kemi para për t’i paguar viktimat e luftës, dhe sërish, të gjitha paratë do të na dalin jashtë, duke na lënë ne në duart e kamatarëve, që veç shpirtin nuk po na e hanë.

Pra, siç do ta përsëriste me shumë zemër miku im, Lumiri, Kosovës do t’i konvenonte shumë më shumë që ta merrte një kredi, nëse bash kjo rrugë paraqet prioritetin e vetëm të Kosovës në tre vjetët e ardhshëm, e ta paguante atë nga dividendi i PTK-së, sesa ta shiste atë me këtë çmim dhe në kushtet ku nuk mund të thuhet se gara ka qenë konkurrente. Përkundrazi, fort i ka ardhur era kurdisje.

Na e falët Distribucionin dhe na keni marrë në qafë, sepse pronën tonë ia keni dhënë në dorë dikujt që për shumë pak pare që ia ka ndarë buxhetit, ka me na fikë ne konsumatorëve, duke na i paraqitur kushtet e reja të një subjekti monopolist – dhe ne do të kërcejmë sipas muzikës që do të na e ekzekutojnë ata. Tash duhet pyetur nëse vërtet e keni përnjëmend dhe do ta shisni PTK-në për ca pare të mjerueshme veç pse dikush duhet ta marrë “hisenë e vet” të tortës? A përnjëmend do ta falni edhe PTK-në, a? A veç qekaq vlerë paska kjo Kosovë për ju – për t’u pasuruar brenda natës, e për ta lënë Kosovën edhe më të varfër seç ishte para luftës? Mjerim!

Por hala keni kohë të mendoheni e të mos gaboni..., sepse gjërat e këqija mbahen mend gjatë, posaçërisht në fushatë zgjedhore.

flaka@koha.net







 

enver azemi23.01.2014/20:40

po kja osht ni ide shum shum emir nese shitet ptkja sepse ne populli kemi leverdi sepse qmimet menihere ki mi paten shumm shum matlira se vala prej qmimev te nalta dh e kur nik bon oferta kqyre ipken kqyre zmobajl e tjerat po ata hajnat qe ekan kan leverdi mos meshiten po ne duhet muqu edhe me privatizue se na bjen mamir vjen dita dhe eshihni

xhema22.04.2013/10:25

shitni shitni krejt dhe ju metshin ne fyt

wiena17.04.2013/22:10

esht Shum me mir se kann shit ne ni shtet ne eu esht shit ni firm vetem per 1euro vetem qe te ruhen vendet e Punes edhe do te Jet me interesante edhe moderne se sa tash

Hasani16.04.2013/13:50

E falen idiotat. Per 4 vjet i kishin ba keto pare prej profitit te Telekomit!

Driton Bakija Gjakove16.04.2013/10:58

Shkrim i mire nga,Flaka Surroi.

fatime prishtina16.04.2013/10:31

shumë mirë që është privatizue, për arsye se ne ta kan vjedhe një numer i madh i disa njerzve që punonin ne post edhe nuk e kan pas dert hiq për konsumatort. kurse 50 milonet që i paska sjel Vala kosoves ne vit tani ka mundsui me i sjell edhe ma shum nga tatim që kjo organizat paguan në arken e shtetit. ato 50 miljon që ka derdh vala ne arken e shtetit kan qen 16 që do të paguan edhe kur te privatizohet, por së paku tani do të jet një konkurenc më fort

KOSOVA16.04.2013/10:14

Pershendetje Flaka
jam lxues i rregullte i te gjitha shkrimet tuaj Z.Flka.
Nuk di se si te shprehem me te gjitha keto mllefet e te keqijat qe na preukupojne dita e dites. E dim te gjithe se qka eshte bere prej pas luftes me privatizim hajni hajni hajni ,e rjepen kete popull po e fundit per mos te zgjatim se ka shume me fol me dite te tera,ne jemi ata qe jemi fajtore vet populli,duhet te vedisohemi njeher e pergjithmone qe kriminelat hajnat antikombtaret te meritojne vendin e tyne te largohen nga kolltuqet qe e kan vetem shkollen fillore e pa asnje kuader te mirfillte ,e te vazhdojne ne burgun e ri "shkolen e tyre ne Dyz"

Agroni15.04.2013/21:54

@Arjanit Osmani pse me u ardhë marre Erollit, Besimit, etj, etj. A je i sigurt qe nje pjese e aksioneve nuk do te pervetesohet direkt ose indirekt nga këta?! Privatizimi varfëroi popullin por polli milionerë.

Arianit Osmani15.04.2013/14:53

Shkrim i mrrekullueshem Flaka, po cfare te besh me njerez te mjere qe perkrahin privatizimin. Sdi a keni pasur mundesi me ndegju nje analize te shkrete te Erolld Belegut ne Klan Kosova qe ishte per me te ardh marre qe ka shqiptare si ky

PLAKU15.04.2013/14:39

SHITNE KOSOVEN PO MA SERBIS PO NAJ TE FORTIT PO TYBE ESHTE DRO SE NUK NA DON KUSHE

Arbeni15.04.2013/12:53

Vetem edhe Qeverine edhe FSK'n kan met tash me qit ne ppazar

Arijeta15.04.2013/09:51

A thua cila kompani ne bote e ben vleresimin ne baze to fitimeve te viteve te kaluara ashtu sic e krahason ti.

Ganiu15.04.2013/09:32

Parameno qaty dy firma qe kishe e kan ble posten, shikojau websajtet qfar kompanish te shpifura ishin, khaaaaaaaaaa ej total hajni

ajkuku15.04.2013/03:11

LEKET NE QIPRO

personi X15.04.2013/01:43

Pse nuk po i publikon shkrimet e qytetareve redaksia e KOHES ,a po iu dhemb realiteti apo...

ehrm15.04.2013/00:23

Me falni po si mundeni me e ba nji pyetje kaq dramtaike me nje foto me nje buzeqeshje te madhe ne fytyre? Pyetja juaj nenkupton se dicka eshte fal edhe perpara, e po ma merr mendja se e keni fjalen per distribucion. Nese eshte fal pse ju nuk keni be nje padi ne gjykate nese veq brengoseni kaq shume. Padia mund te behet me buzeqeshje nese e din se je ne nje kauze idealizmi. Po ju e beni pyetjen me buzeqeshje e ata qe duhet pergjegj e degjojne eventualisht pyetjen me nenqeshje, nese dikush din dicka per prapaskena e ka naj interes e lexon me qarraveshje e une as njetin nuk e kam me hup humorin e po tia futi nje qeshje keshtu qe cka me bo hallakam eshte tuj shku.kisha pa qef me lexu artikullin po kohve te fundit veq titujt po i lexoj e po e di perafersisht se cka u shkru mbrenda. Nejse tung tung.

armendi15.04.2013/00:07

Boll mire bohet me u shit,sepse ata protestues qe po qohen kunder privatizimit i kane anetaret e familjes qe kane hy ne pune ne PTK ne forme te paligjshme. Ka njerez ne poste qe nuk dijne as shqip te shkruajne e lere me ndonje gjuhe tjeter. Punen qe mund ta bej nje punetore i bejne 6 a 7 vete e me privatizim nuk ka mo JUGOVIN me honger lluklluk. Ma se pari vetem ne ora 1600 kur dalin prej pune punetoret thuajse po dalin prej shkolles fillore apo edhe ma keq. Eshte haram paga qe e merr punetori i postes po flas per shumicen dermuese qe vetem rrijne duarkryq dhe nuk kane as ... rige se ku te ulen e duhet te rrijne kembe ose te kapen per tavani si lakuriqa. nje pjese e popullit qe nuk ka te njofshem duhet te sillen rrugeve pa pune. Thjesht ky shtet per diken none e per diken njerke.

gomari i burojasit14.04.2013/21:02

Tungjatjeta nakdomonici a din n'ket jet si shkon cicmici.
Cicmici shqipetar nuk bazohet ne matematik racionale.
Qmimi normal zakonisht ne tregun e lire duhet te jet
10 deri 15 fishe i fitimit vjetor. Qmimi ofruar esht ofendim i
kategorise pare. Politikanet mundohen ta arsyetojn cmi min si sukses. Interpretimi ndryshe eshte specialitet i qeveris.
Ne tender nuk ka konkurue kompanit direkt sepse jane
kompani aksionare dhe ndonje publikim per ndonje perzierje ne afera koruptive mund te kushtoj shum.Keto kompani jan te notuar ne berz, dhe i hezitojn eksceset e pakalkulueshme.
Tani AXOS konkurron, PAGUAN OBLIGIMET SHTES SIPAS MARREVESHJES, normal te reduktuar ne qmim. Kjo eshte nje ndermarrje private equity. No problem. Zoterinj Budden, pronar i AXOS ishte me heret i punesuar tek Telekomi gjerman. Axos kishte konkuruar ne privatizim ne shqiperi, kur nje kompani turke e "fitoj" tenderin.
Telekomi gjerman e blen pas 3 vitesh PTK nga AXOS per 400 milion euro. Na e falim per 277. Kush po vjedh ?

aliu14.04.2013/21:01


Ky popull gjat historis ka perjetua gjana te ran qe disponimin per jet ne keto troje edhe se u perballua me shum te kqia askush nuk ka mujt teja rrembej,por qdo here te kqiat qe ja sillshin okupatort e ndryshum i mposhte me forc dhe nuk levizte nga veni ku kishte le duke jav ba me die te gjith pushtusve se askun skam tjeter ku te vdes perpos qisaj toke ku edhe kam lind.Ne mendum qe u shlirum mendum se tani e tutje jeten dota kalojmi bashkarisht duka shkue drejt nje te ardhme sa ma te mir,mrpo qa na ndodhi per qudi dul e kunderta asaj qe ne emer te luftes ne emer te patriotizmit nji rrem komit e ripushtoj popullin e kosoves dhe ma pasurit e ti po ban tregti,po shet e po shkatrron sa po munet duke jav grabit nga durt atyre qe pasurin e kesaj kosove e kriun per 50 vjet radhazi.Te tillet shkatrrimtar kta po e bajn tue bekue kosoven heronjet e saj viktimat e luftes e ne emen te asaj lufte qe ata se ban kurr por priten ne stankovec apo ne shqipri deri sa nato te kryn punen e saj e ata me thas te parve u futen mrena ne kosov dhe duke e dhunua voten e popullit te varfur te kosoves e shtrin e dhe pushtetin i cili pushtet e dermoj popullin pa rrespektua as norm e as ligj,e as demokraci.Tani qe sa vite ne emer te privatizimit hajnat dhe ... et pojav grabitin puntorve pronat nga dora dhe me ato para te shitjes askush nuk din se qa eshte duke u ber,pra prona shitet ne kosov ku mesin me mia puntor tepa pun e pa buk kurse rrymat kriminele ne emer te zhvillimit te shtetit demokratik me ato mjete bajn lluks.Kjo qa po ndodh me neve kosovarve qe aq shum kemi klith kunder pa drejtsive qe naj bjke serrbia e sod keta ne pushtet po na e bjn 2 here ma keq sepse serrbia pronat e kosoves i rujke mej shfrytzua vet e kishum shpres qe dikur dot shlirohemi e ato prona doti kthejmi ne fondin ton ashtu qysh edhe naj kthyn amerika e anglia e turqia e sod keto prona poj shesin hajnat e ... et tue lan me mia sofra pa buk te atyre qe ket pasuri e kriun vet.Flaka ti shendet te mir e suksese ne jet e runa zo prej patriotve te rrejshum qe sod gjenden ne krye te instutucioneve te kosoves.

Prishtina14.04.2013/20:52

Boll mir kan bo qe e kan shit. Sherbimet katastrof jon ne PTK, kom bo kontrat qe 1 vjet me ma ngjit rrjetin kurr skan ardh. Veq me privatizim vjen ne vend kjo kompani.

hashimi14.04.2013/20:00

Vini re,vini re ..PDK ,ne shitje.

sheherlija14.04.2013/19:40

Si gjithmon konstatim i sakt FLAKA por une jame realist andaj jame pesimist se kjo kast politike PDKAAK mund te sjellin ndonjeher diqka te mire keti vendi

sami kastrati14.04.2013/19:11


Z. Flaka, e kane "fale" DHE LEKET I KANE FUTUR NEPER JASTEKET E TYRE.Keshtu eshte kur udheheqin te pa ngopurit analfabeta.Me vjen keq qe ne Kosove intelektualet nuk kane vlere ne shoqeri.

Ylberi14.04.2013/19:06

Fort i ka ardhur era kurdisje. Por, e nderuara zonja Surroi, ne kete shtet dhe ne kete shoqeri s'ka kush merret me dekontaminimin e sajte eres.