Një shtatore për Fadil Hoxhën

Dr. Hysni Bytyçi

Artikujt tjerë

• Rrugëtimi nëpër mjegull i shqiptarëve në Malësi
• Normalitet apo ekstremizëm paszgjedhor në Shqipëri
• Pse të paguajmë më shumë?
• Problemi me GDP-në e shteteve të varfra
• Funksioni? Analfabet me diplomë!
• Vizioni dhe fantazia
• Rruga e Arbrit duhet të përfundohet
• Jeta kundrejt përfitimeve
• Drejtësia si themel i pasurisë së shtetit shqiptar
• Siria nuk është kos

Letër e hapur kryetarit të Prishtinës, z. Isa Mustafa, dhe atij të Gjakovës, z. Pal Leka

Të nderuar kryetarë, ditëlindja e heroit të popullit Fadil Hoxha po afrohet, kaloi më shumë se një dekadë prej vdekjes së tij, a për fat të keq kombëtar, ky vigan jo që vetëm nuk e zë vendin që i takon në historinë kosovare, por kohë pas kohe kritikohet, shahet, ofendohet me fjalë të ndyta, si të kishte qenë armiku më i madh. Akuzat kundër tij shkojnë aq larg saqë edhe është dorëzuar kallëzimi penal në Prokurorin përkatëse në Kosovë, gjë që kjo mund të ndodhë vetëm në Kosovë. Të kërkohet që njeriun e vdekur me e nxjerrë para gjyqit, kjo nuk do asnjë koment.

Fadil Hoxha jo vetëm që nuk i ka sjellë asnjë të keqe kombit shqiptar-popullit të Kosovës, por ka merita aq të mëdha saqë nuk mund të maten me kurrfarë njësie matëse. Fadil Hoxha në momentin e duhur, menjëherë pas pushtimit të Jugosllavisë, Shqipërisë dhe vendeve të tjera të Evropës nga forcat fashiste, u rreshtua në anën e koalicionit antifashist (Mbretërisë së Bashkuar, Francës, SHBA-së dhe BRSS-së). Kështu që pas përfundimit të Luftës së Dytë Botërore edhe ne kosovarët hymë në koalicionin e fitimtarëve.

Po të ishte radhitur edhe Fadil Hoxha në anën e fashistëve, çka dhe si të kishte ndodhur me neve, mundemi vetëm ta paramendojmë, por një është më se e sigurt, jo vetëm që nuk do të ndodhte bashkimi i Kosovës me Shqipërinë, por nuk do të kishim pasur as autonomi territoriale.

Nuk po e them këtë me hamendje, por ky është realitet. Si produkt i fashizmit u shpallën dy shtete të reja në Evropë. Kroacia (NDH - Shteti i Pavarur Kroat), dhe Sllovakia u nda nga shteti i deriatëhershëm Çekosllovakia, kurse krahinën e Sudenit, territor i Çekisë, e aneksoi Gjermania si territor të vetin... Shtetet që u rreshtuan në anën e fashizmit edhe sot e kësaj dite mbajnë hipotekën e krimeve naziste.

Dihet ose duhet të dihet se në Konferencën e Jaltës së vitit 1943, tre liderët e fuqive të mëdha, Ruzvelti – SHBA, Çerçili - Mbretëria e Bashkuar dhe Stalini - BRSS, kishin vendosur që pas mbarimit të luftës kufijtë të ktheheshin aty ku kishin qenë përpara. Pra kufijtë e ndryshuar në bashkëpunim me fashizmin kurrsesi të mos pranoheshin. Dihet mirë ose duhet të dihet se partizanët e Jugosllavisë ishin aleatë me forcat antifashiste. Ishte fat që me forcat antifashiste ishin dhe partizanët kosovarë, nën udhëheqjen e Fadil Hoxhës.

Pra të gjithë ata që mendojnë se bashkimi Kosovë-Shqipëri do të kishte vazhduar pas luftës mos të ishte ngritur Fadil Hoxha kundër fashizmit, tregojnë mosnjohje të realitetit historik. Po të mos ishte Fadili me shokë të vet e me partizanë shqiptarë-kosovarë në anën e aleatëve, do të kishim pasur në Kosovë vetëm shumë e më shumë viktima. Krijesa e tillë do të trajtohej si krijesë fashiste, siç u trajtuan NDH, dhe disa krijesa të tilla fashiste.

Atyre që mendojnë se veprimtaria e Fadil Hoxhës e ka penguar bashkimin Kosovë-Shqipëri, ua shtroj pyetjen: Pse pra edhe pas 13 vjetësh që janë tërhequr forcat serbe dhe komplet pushteti i Serbisë nga trojet tona në Kosovë, jo vetëm që Kosova nuk u bashkua me Shqipëri, por as që guxojnë pushtetarët ta shtrojnë një problem kësisoj, përpos kur këtë e përmendin për shkaqe elektorale subjektet e caktuara politike në Kosovë e Shqipëri.  A është më vështirë për pushtetarët e sotëm kur nuk qëndron asnjë ushtar, asnjë polic serb në Kosovë, kur NATO-ja e mbron integritetin dhe tërësinë territoriale të Kosovës, apo në kohën e veprimtarisë së Fadil Hoxhës me shokë, kur Kosova nuk e kishte as statusin e Bashkësisë Lokale, kur ishin 40.000 ushtarë jugosllavë në Kosovë, kur popullata mbi 90% ishin alfabete?

Deri në Luftën e Dytë Botërore në Kosovë nuk kishte as shkolla fillore në gjuhën shqipe e të mos flasim për shkolla të mesme, të larta dhe fakultete apo universitet.  Ku ka qenë vetëdija kombëtare te masa e gjerë analfabete dhe në çfarë niveli është sot, kur kemi dhe universitete, Akademi të shkencave etj.? Kritikët duhet t’i vlerësojnë gjërat nga konteksti i asaj kohe. Lehtë është sot nga fotelja apo kolltuku në Prishtinë, Prizren apo kudo në vende të tjera (jo vetëm në Kosovë) të kritikosh. Është një parim nga romakët e vjetër: DA MIHI FACTA DABO TIBI IUS - më sjell dëshmitë, të ndaj drejtësi.

Pra themeli i Republikës së Kosovës ka filluar gjatë Luftës së Dytë Botërore dhe gradualisht është ndërtuar gjatë periudhës 1941-1974. Gur themelin e parë e ka vënë Fadil Hoxha në Bunjaj, e me vonë me Kushtetutë të vitit 1974, kur është arritur një nivel i lartë me atribut shtetëror, duke vepruar tërë karrierën e tij me parimin “gurë-gurë bëhet mur”.  Fatet historike ishin të tilla. Ne, Kosova dhe Shqipëria, ishim në zonën që i takoi botës komuniste. Fadil Hoxha në rrethana krejtësisht specifike shfrytëzoi koniunkturën e brendshme politike të ish-Jugosllavisë që të avancohet çështja shqiptare, çështja e shqiptarëve në ish- Jugosllavi. Normalisht, ai ishte shtet komunist/socialist. Por, duke shfrytëzuar atmosferën politike të krijuar pas Plenumit të Brioneve, amendamentet kushtetuese, Kushtetutën e vitit 1974, festimin e 500-vjetorit të lindjes së Skënderbeut, themelimin e Universitetit të Kosovës, Akademisë së Arteve dhe të Shkencave, u ngrit ndërgjegjja kombëtare dhe u arrit bashkë me sakrificat e popullit të Kosovës dhe të ndihmës ndërkombëtare çështja jonë të avancohet deri këtu ku jemi, të kemi Kosovën e pavarur dhe në rrugë për ndodhjen e një procesi natyror të bashkimit të një kombi ende të ndarë me kufijtë ku nuk e kanë vendin.

Duke i pasur të gjitha këto të dhëna para sysh, të nderuar zoti Isa Mustafa dhe Pal Leka, e keni për detyrë, keni obligim moral, njerëzor dhe atë zyrtar që sa më shpejt ta caktoni në Prishtinë dhe Gjakovë vendin në qendër të qytetit për shtatoren e viganit-heroit të popullit Fadil Hoxha.

Komente (3)Shpërndaje artikullin

• 19:34Serbja nga Bosnja dënohet për krime të luftës
• 19:31Arsenali në kualifikime të LK, Tottenhami në Ligën e Evropës
• 19:14Haradinaj optimist për zbatimin e marrëveshjes
• 18:47Gati gjysma e britanikëve duan dalje nga BE-ja
• 18:37Shikoni si i argëton babai katërnjakët e tij (Video)
• 18:24Messi, profesionist edhe në reklamim
• 18:14Torresi në zbritje, Chelsea kërkon vetëm 20 milionë funte
• 18:03Nadal dhe Serena, mbretër të Romës
• 17:35The Telegraph: Marrëveshja Rama- Blair mund të kushtojë miliona funte
• 17:26Bonot e thesarit shqiptar në minimum historik