Bateritë elastike
Artikujt tjerė
- Të gjithë jemi afrikanë
- Një asteroid masiv kalon pranë tokës më 31 maj
- Aeroplani-veturë arrin së shpejti
- Depresioni dyfishon rrezikun e insultit tek gratë mbi 45 vjeç
- Në Mars bien mbi 200 asteroide në vit
- Ecja 1 700 hapa në ditë “largon” vdekjen
- Shkenca shënon një hap përpara në klonimin e njeriut
- Në Diell ndodhi një shpërthim i ri i fuqishëm
- Raporti ndërmjet belit dhe trupit tregon sa gjatë do të jetoni
- 10 fakte “të parëndësishme” për Zuckerberg
Ekipi i hulumtuesve nga Universiteti Illinois i udhëhequr nga profesori John Rogers, ka arritur të krijojë baterinë e cila jo vetëm që është fleksibile por edhe mund të zgjatet deri tri here më shumë se madhësia origjinale, ndërsa furnizohet pa tela.
Çelësi i fleksibilitetit fshihet në shfrytëzimin e të ashtuquajturve ishuj për ruajtjen e energjisë dhe lidhjeve të telave me formë gjarpërore të integruara në polimerin i cili mundëson mbështjelljet derisa energjia ruhet – mbetet e ruajtur në ishujt e sipërpërmendur për ruajtje. Telat e shtrirë në formë të germës “S” i lidhin dhe i mbajnë bashkë, siç mund të shihet edhe nga fotot.
Telat e shtrirë në këtë mënyrë mund të tërhiqen apo zgjaten në të njëjtin parim si edhe fijet polimerike, pa stres dhe mundësi të këputjes qoftë gjatë tërheqjes apo zgjatjes qoftë gjatë kthimit në formën fillestare. Dhe kjo gjë mund të përsëritet pa kurrfarë pasojash.
Mbushja pa tela mundëson që polimeri në tërësi të mbulojë të gjitha komponentët e baterisë, duke i mbrojtur nga dëmtimet (p.sh. kontakti me lëngje). Edhe pse deri më tani është zhvilluar vetëm prototipi dhe duhen akoma shumë hulumtime që kjo bateri të arrijë në stadin e përdorimit komercial (më së shumti ka të bëjë me faktin që tani për tani duron vetëm rreth 20 mbushje), kur të zhvillohet përfundimisht bateria do të jetë ideale për pajisjet e bazuara në ekranet fleksibile dhe për elektronikën fleksibile në përgjithësi.
