Burnett, i bindur për praninë e Zotit në sheshin e xhirimeve të “Biblës”

Moguli televiziv Mark Burnett është i bindur që ka ndie prezencën e Zotit derisa xhironte filmin e ri epik religjioz “Bibla” në shkretëtirën marokene pas një shpërthimi të erës gjatë xhirimit të fjalimit nga Jezu Krishti.Burnett është bashkuar me bashkëshorten e tij aktoren Roma Downey për të sjellë në ekran storiet nga libri i shenjtë, me aktorin portugez Diogo Morgado si i biri i Zotit, dhe ai zbuloi që i tërë ekipi mbeti gojëhapur gjatë një skene që përfshin Jezusin dhe Nikodemin sepse ata me të vërtetë besuan që një fuqi më e lartë ishte duke i shikuar.

Ai tha: “Dora e Zotit ishte këtu. Ne ishim aty për pesë muaj në shkretëtirën marokene. Një natë ishim duke xhiruar skenën ku Nikodemi shkon natën fshehurazi të flasë me Jezusin dhe e pyet: “Thonë që ti mund të shikosh mbretërinë e parajsës (qiellit)”, dhe Jezusi thotë: “Edhe ti mund ta shikosh mbretërinë e parajsës. Duhesh të lindësh përsëri.” Ai tha: “Si mendon, si mund të lind përsëri? Ai foli për shpirtin e shenjtë, “Shpirti është si erë” – dhe në atë moment era vjen nga askund. Një erë e fuqishme për 30 sekonda...”

Downey shton: “Thuajse i kishim ndezur makinat e erës, shpërtheu nëpër fshat, ishte e jashtëzakonshme.”

Mini seriali i History Channel u dëshmua të jetë një hit i madh në SHBA – episodi i parë i dramës 10-orëshe e ka bërë serialin më të shikuar të vitit, kur u dha premierë në fillim të muajit, me 13.1 milionë shikues.

 

Komente (1)Shpërndaje artikullin

• 22:53Përfundon pa marrëveshje takimi – vazhdimi të mërkurën
• 22:30Kundërshtojnë ndërrimin e trafos (Video)
• 22:28Blog i Tymoshenkos nga burgu
• 22:24Vulin rikthehet drejtor i Zyrës për Kosovën
• 22:21Rusia zihet me Azerbajxhan për votat e Eurovisionit
• 22:19Alzetta: Ekonomia në Kosovë është në gjendje jo të keqe
• 22:16Berisha takon shefen e ODIHR
• 22:14Ashton koleksionon fotografitë e Thaçit dhe Daçiqit
• 22:13Seedorf mund të emërohet trajner i Milanit
• 22:12Mustafa ngushëllon ambasadoren Jacobson