Spielbergu do ta realizojë skenarin e Kubrickut për perandorin francez
Artikujt tjerė
- Vdiq Bobby Rogers, anëtar i “The Miracles”
- Spielbergu do ta realizojë skenarin e Kubrickut për perandorin francez
- Prizreni, nga qyteti-muze në qytet të kulturës
- “Obelisku pa adresë”, akuzë ndaj moskujdesit për të zhdukurit
- Skulptura prej guri çojnë në Vjenë legjendat shqiptare
- Filarmonia shëtit në tingujt shqip në koncertin 90- minutash
- Kosova rrezikon të humbë afatin për të futur në UNESCO “Eposin e Kreshnikëve”
- Kalendari historik, 5 mars
- Nesër fillon manifestimi ”Epopeja e UÇK-së”
- Një kishë në Barcelonë pikturon kupolën me grafite
Londër, 5 mars - Steven Spielberg do të jetësojë skenarin e Stanley Kubrickut rreth Napoleonit, që ishte hedhur në letër në vitin 1970. Ai i ka thënë televizionit francez “Chanal Plus” se do të bëjë një miniserial televiziv dhe jo një film, për jetën e perandorit francez. Regjisori i filmit “Lincoln” më herët kishte bashkëpunuar me Kubrickun në “A.I Artificial Intelligence” më 2001.
Drama fantastiko-shkencore ishte konceptuar nga Kubricku më 1970 dhe më vonë ishte shkruar dhe realizuar nën regji të Spielbergut. I cilësuar si një nga filmbërësit më të mirë të të gjitha kohërave, Kubricku kishte bërë regjinë e filmave si “2001: A Space Odyssey”, “The Shining”, “Dr Strangelove” dhe “Eyes Wide Shut”, që ishte filmi i fundit para se të vdiste, më 1999.
Sipas “Hollywood Reporter”, ai ishte i përkushtuar në hulumtime duke përfshirë edhe biografinë për Napoleonin, dhe ka shpenzuar disa vjet duke eksploruar jetën e perandorit francez në detaje. Në një ekspozitë në “Los Angeles County Museum of Art”, Kubrick kishte ekspozuar një draft letër për studiot prodhuese të filmave, ku thoshte: “Është e pamundur t’ju tregoj se çka do të bëj, përveç t’ju them se pres të bëj një nga filmat më të mirë që janë bërë deri më tani”.
Është raportuar se Spielberg do ta zhvillojë skenarin për Napoleonin në bashkëpunim me familjen Kubrick. Regjisori është i famshëm për obsesionin e tij për perfeksionizmin, kështu që trashëgimia e tij do të gjejë prehje në duart e Spielbergut.
