Hulumtimi i SHBA-së për rolin e muzikës në ndryshime globale, edhe në Kosovë
Artikujt tjerė
- Hulumtimi i SHBA-së për rolin e muzikës në ndryshime globale, edhe në Kosovë
- Ndahet nga jeta këngëtarja Violeta Simoni
- Ministria e Kulturës përzihet në zgjedhjen e drejtorit të Teatrit
- Istref Begolli - aktori i pazëvendësueshëm
- Deva kujtohet me poezi në katërvjetorin e vdekjes
- Kalendari historik, 2 shkurt
- Dy çmime evropiane për piktorin Ali Sinani
- Petrit Çeku shkëlqeu në skenën e Baselit
- James Joyce bëhet hit në Kinë
- Monografi për Sulejman Krasniqin
Prishtinë, 3 shkurt - Një video në të cilën këngëtarja Rona Nishliu flet për të drejtat e grave e për çka ka bërë edhe këngën “Se vetëm zemra flet saktë” dhe një tjetër për darabukë, janë vetëm dy nga “frytet” e publikuara për rastin e Kosovës, në një hulumtim i cili me mbështetjen e Qeverisë amerikane është duke e bërë mbi rolin e muzikës në ndryshime globale. Pos Kosovës, kërkime mbi këtë çështje do të bëhen edhe në Indi, Barbados dhe Botswana. “Përkatësisht ata janë duke punuar në projektimin dhe dizajnimin e kulturës ndërkombëtare të muzikës”, thuhet në komunikatën e Departamentit Amerikan të Shtetit. Ky departament, përkatësisht Zyra për Çështje Arsimore dhe Kulturore në Shtetet e Bashkuara të Amerikës dhe “mtvU”, pjesë e rrjetit të kolegjeve muzikore të kanalit muzikor MTV, ka publikuar të gjithë emrat e atyre që do të bëjnë kërkime mbi rolin e muzikës për ndryshme globale, duke i ndarë në dy grupe.
Këngëtarja kosovare me famë botërore, Rita Ora, Imagine Dragons dhe Steve Aoki, janë përzgjedhur për të ndihmuar në nominimin e kandidatëve për t’u bërë pjesë e “Fulbright-mtvU Fellowship”. Ndërsa katër bursistët për vitin 2013-2014 janë: kosovarja Albulena Shabani, e diplomuar në University of Wisconsin në Milwaukee, Jeff Roy student në University of California në Los Angeles, Katherine Cloutier, studente në Michigan State Univeristy dhe Sebastian Modak, i diplomuar në University of Pennsylvania. Secili prej tyre ka ndarë eksperiencat e tyre nëpërmjet raporteve në video dhe blog që publikohen në faqen “Fulbright.mtvU.com”
(Më gjerësisht sot në Koha Ditore)
