Sonte në KTV mund të ndiqni: *** 17:40 Express *** 18:55 Marketing *** 19:00 LAJMET E MBRËMJES *** 19:40 Sporti në KTV *** 20:05 Rubiko *** 21:15 Serial: “ LALE ” epis. 188 *** 22:20 Anima *** 22:55 Marketing *** 23:00 Interaktiv ...

Ambasadorja e SHBA-së në Kalanë dhe Hamanin e Vushtrrisë

Artikujt tjerë

Publikuar: 17.01.2013 - 17:35

Vushtrri, 17 janar - Ministri i Kulturës, Rinisë dhe Sportit, Memli Krasniqi dhe Ambasadorja e Shteteve të Bashkuara të Amerikës, Tracey Jacobson kanë vizituar sot Kalanë e Vushtrrisë si dhe Hamamin e Vushtrrisë. Kalaja tashmë është në proces të restaurimit nga një donacion i Ambasadës amerikane, në kuadër të Memorandumit të nënshkruar në vitin 2011 mes MKRS-së dhe Ambasadës. Ndërkaq Hamami pritet të nisë shumë shpejtë të restaurohet me mjetet e ndara nga ‘Fondi i Ambasadorit’, në kuadër të Ambasadës Amerikane. Ministri Krasniqi dhe Ambasadorja Jacobson janë shoqëruar në këtë vizitë edhe nga kryetari i Komunës së Vushtrrisë, Bajram Mulaku dhe nga sekretarja e përgjithshme e organizatës Cultural Without Borders, Margareta Husen.

Krasniqi falënderoi ambasadën e SHBA-së për ndihmën e vazhdueshme që ka dhënë dhe po jep në drejtim të ruajtjes së trashëgimisë kulturore në vendin tonë, duke shtuar pos tjerash se këto monumente pas restaurimit do të ruhen dhe t’i shërbejnë komunitetit për aktivitete të ndryshme kulturore dhe edukative.

Ambasadorja e SHBA-së tha se shteti i saj është krenar dhe shumë i përkushtuar që të ndihmojë Kosovën në projekte të tilla. “Është Hamam shumë i bukur, ne ishin edhe në Kala dhe unë qe pesë muaj, sa jam në Kosovë, kam parë se ky vend ka shumë pasuri të trashëgimisë kulturore. Me ndihmën e popullit, të gjitha grupeve etnike, duhet të punojmë bashkë për të mbrojtur të gjitha monumentet. Unë e di që ky projekt është pak i vështirë, është pak punë e brishtë, por suksesi do të arrijë dhe mezi pres që të shoh përfundimin e suksesshëm të këtij projekti”, tha Tracey Jacobson.