Dan Brown paralajmëron “Ferrin”
Artikujt tjerė
- Dan Brown paralajmëron “Ferrin”
- Sharton Olds merr çmimin “T.S. Eliot”
- Irani përgatit përgjigjen për “Argo”
- “Përralla ballkanike” e 50 monumenteve vjen në Prishtinë
- “Fjalë e valë” për krijuesin e pandalur
- Vushtrria e Prizreni, qendra të kampeve të restauruesve vullnetarë
- Filmat e Kosovës mbesin larg “Berlinales”
- Kalendari historik, 16 janar
- Procedurat për hapësirë të përbashkët radiotelevizive Kosovë-Shqipëri brenda 4-5 javësh
- “Stacion” i thërret krijuesit në Bienalen e Mesdheut
Londër, 16 janar - Shkrimtari Dan Brown ka paralajmëruar se libri i tij i ri me personazhin Robert Langdon, do të botohet në maj. I titulluar “Inferno” (“Ferri”), ai është romani i katërt i serisë me libra kriminalistikë, që ka protagonist zbërthyesin e simboleve, Robert Langdon. Brown ka thënë se ai ka qenë i inspiruar nga vepra klasike e Dante Aligerit, derisa ishte duke bërë hulumtime në Firence. Ngjarja e librit zhvillohet në Itali dhe në të Langdon pasqyrohet “i pikëlluar në qendër të një prej kryeveprave më misterioze që njeh historia e letërsisë”. “Megjithëse unë e kam studiuar ‘Ferrin’ e Dantos sa isha student dhe deri vonë nuk e kam vlerësuar ndikimin aq të madh të veprës së Dantes në botën moderne”, ka thënë Brown. “Me këtë libër të ri, unë jam i entuziazmuar që do të marr lexuesit në një udhëtim të thellë në fushën misterioze, në një peizazh të kodeve, simboleve dhe korridoreve të shumtë me sekrete”, ka thënë ai. Titulli i librit ishte zbuluar me anë të postimeve nëpër media sociale, siç janë “Twitter” dhe “Facebook”. Libri do të pasqyrojë Bazilikën e Shën Marisë që në Firence njihet edhe si “Duomo”. Romanet e Brownit që kanë protagonist Langdonin, ishin shitur me miliona kopje në gjithë botën. “Kodi i Da Vincit”, është një nga romanet më të shitura në Britaninë e Madhe, dhe është përkthyer në 51 gjuhë. “Kodi i Da Vincit” libri tjetër i tij “Ëngjëj dhe djaj” janë realizuar edhe si filma në Hollywood, me protagonist aktorin Tom Hanks. Versioni filmik i “The Lost Symbol” është ende duke u realizuar.
