“Sculp'Ice” për “shkrirjen” e pesëvjetorit të pavarësisë
Artikujt tjerė
- “Sculp'Ice” për “shkrirjen” e pesëvjetorit të pavarësisë
- Teatri Kombëtar nis vitin me “Përplasjet”
- Libri elektronik - mundësi për rritjen e numrit të lexuesve në Kosovë
- Kalendari historik, 11 janar
- Kënga e Shqipërisë në Eurovizion do të këndohet shqip
- “Kosovo Dreams”, një film zviceran për ambientin në Kosovë
- Filmi Lincoln me 12 nominime për Oscar
- “Lincoln” kryeson me nominimet për BAFTA
- Teatri Kombëtar i Kosovës lobon për anëtarësim në Unionin Evropian të Teatrove
- Kalendari historik, 10 janar
Prishtinë, 12 janar - Drejtuesit e festivalit “SculpFest” kanë finalizuar përgatitjet për organizimin e edicionit dimëror të festivalit të skulpturës, “Sculp'Ice”, i cili sivjet mbahet nga 15 deri më 18 shkurt. Edicioni i radhës i Sculp’Ice, sipas organizatorëve do të realizohet rreth konceptit të shkrirjes (defreezing).
"Shkrirja do të tematizojë të gjitha seksionet e festivalit, duke shërbyer si emërues i përbashkët dhe moto e këtij edicioni të “Sculp’Ice”. Konkretisht, festivali do të strukturohet rreth këtyre shtyllave tematike: Shkrirja e njohjeve, Shkrirja e integrimit evropian, Shkrirja e potencialit, Shkrirja e tabuve dhe Shkrirja e gjelbër. Të gjitha këto aktivitete do të përmblidhen nën ombrellën e 5-vjetorit të pavarësisë së Kosovës", ka thënë Leutrim Fishekqiu nga “SculpFest”.
Sipas tij, “Sculp’Ice” do të bëjë përpjekje për të promovuar shtetin e Kosovës në ditëlindjen e pestë të saj, sidomos në rrafshin global dhe paralelisht do të bëjë thirrje për promovimin e artistëve të skulpturës në rajon.
"Sculp’Ice’ do të zhvillohet me aktivitetet e punëtorive në akull të ndara në dy grupe. Grupi i parë përbëhet nga 5 skulptorë shqiptarë, të cilët do të punojnë një skulpturë të përbashkët që do të përmban temën e pesëvjetorit të pavarësisë së Kosovës. Ndërsa grupi i dytë përbëhet nga 5 skulptorëve ndërkombëtarë, ku secili prej tyre do ta punojë nga një skulpturë nga akulli, lidhur me temën e edicionit të festivalit ‘Shkrirja’", ka deklaruar Fishekqiu. Ai ka shpjeguar se të gjithë të interesuarit për pjesëmarrje në festival mund të aplikojnë në ueb faqen e “SculpFestit”.
“Sculp’Ice” është manifestim kolektiv i talentit artistik, i cili e shndërron akullin në art. Duke i dhënë formë akullit, festivali synon të promovojë skulpturën dhe angazhohet për krijimin e hapësirës së nevojshme për shprehjen e talentit artistik të të rinjve.
“Sculp'Ice” është edicioni dimëror i “SculpFestit”, i cili gjatë muajve të verës organizon edicionin edukativ, “Sculp'Edu”.
