Instituti Albanologjik promovon fustane

Prishtinë, 6 janar - Në ditët e fundit të 2012-s Instituti Albanologjik i Prishtinës kishte intensifikuar punët për përfundimin e ueb-faqes së re. Profilet e punonjësve shkencorë të Institutit, veprimtaria botuese e ajo shkencore, biblioteka e koleksioni i eksponateve do të zinin vend aty. Është planifikuar që publikimi i saj të bëhet në gjysmën e dytë të janarit.

Por dikush është ngutur me publikimin e saj. Faqja zyrtare në adresën “institutialbanologjik.com” të shtunën ka qenë aktive. Aty shfaqen imazhe që nuk kanë të bëjnë asgjë, as me këtë institucion e as me Kosovën. Fustane nusërie, pamje të fushave e qyteteve të mëdha që s’janë në Kosovë fare, e deri te kompleksi memorial “Adem Jashari” bashkë me foto tjera të heroit legjendar, janë po ashtu në përmbajtjen e kësaj faqeje. Aty ku do të duhet të flitej për shkencë, nuk mungojnë as imazhet e rap - artistit të njohur T.I., shkruan sot gazeta Koha Ditore.

Menaxhmenti i IAP-it thonë se faqja është lansuar pa u bërë ende publike dhe se ky është një lëshim. Drejtori Hysen Matoshi ka thënë se kjo përgjegjësi është e sekretarit shkencor, Lulzim Lajçi, teksa nuk ka pasur koment për këtë gafë. E Lajçi, - teksa ka thënë se është i vetmi që e ka fjalëkalimin e kësaj faqeje, pos atyre të kompanisë “Alba Soft” që ka bërë dizajnin e faqes,  ka garantuar se do ta bllokojë menjëherë qasjen në këtë faqe deri në lansimin e saj zyrtar.



(Tekstin e plotë lexoni sot në Koha Ditore)

Komente (3)Shpërndaje artikullin

• 22:33Serbët djegin flamurin e BE-së dhe të Kosovës
• 22:28Talibanët morën përgjegjësinë për sulmin vetëvrasës
• 22:25Rusia zbulon një sulm terrorist
• 22:20Sharif kërkon bisedime me talibanët
• 22:18Serbëve të veriut u intereson më shumë Vulini se Marrëveshja
• 22:16Edhe një seancë përkujtimore në Kuvend!
• 22:14Reali zyrtarizon largimin e Mourinhos
• 22:12Thaçi 1 kishte anuluar kontratën mes PTK-s dhe “Amdocs” –it izraelit
• 22:06Urdhëri i fundit i Sir Alex
• 22:03Presidenti malazez merr detyrën