Institucionet kulturore nuk i besojnë Ministrisë për rritje të buxhetit
Artikujt tjerė
- Kalldrëmi i Çarshisë së Madhe do të kthehet pjesërisht
- Institucionet kulturore nuk i besojnë Ministrisë për rritje të buxhetit
- Kalendari historik, 4 janar
- Këngët më të dëgjuara në Facebook në vitin 2012
- Grupet më të mira muzikore në 2012
- 2013, viti i Giuseppe Verdit, festa në të gjithë botën
- KTV sjell programe të larmishëm për Festën e Vitit të Ri
- Romë: Zbulohet Qendra Kulturore e perandorit Hadrian
- Berisha: Teatri Kombëtar, teatër i sfidave
- Tetë të përzgjedhurit e “Onufrit”
Prishtinë, 4 janar - Ministria e Kulturës mburret me rritje buxhetore të këtij viti, por të njëjtën gjë nuk mund ta bëjnë shumica e institucioneve të kulturës të cilat punojnë nën ombrellën e institucionit qeveritar. Së paku deri pas gjysmës së muajit janar. Megjithatë shumica e tyre kanë bërë kërkesa buxhetore për këtë vit, miratimin e të cilave, as vetë nuk e besojnë se do të ndodhë. “Ne kemi bërë kërkesën për 315 mijë euro buxhet, për t’i treguar zyrtarisht MKRS-së për nevojat tona dhe për atë se nuk pajtohemi me ndarjen që na bëhet, sepse e dimë që nuk do të na ndajnë aq”, ka thënë Baki Jashari, drejtor i Filarmonisë së Kosovës. Për të parin e institucionit më të lartë të muzikës serioze në vend, kërkesa buxhetore për këtë vit është e koncentruar më shumë në performancat ndërkombëtare që pritet t’i ketë Filarmonia. Vitin e kaluar ky institucion ka pasur buxhet prej 220 mijë eurosh. Pak a shumë të njëjtat plane kanë edhe institucionet e tjera kulturore. Mirëpo Ministria e Kulturës, institucioni i cili ndan buxhetin, ende nuk ka vendosur se si do të ndahet hisja për institucionet kulturore. Ministri i Kulturës, Memli Krasniqi, nuk ka precizuar se për çfarë rritje bëhet fjalë. “Rritja e buxhetit total që po bëhet çdo vit e më e madhe garanton edhe rritje të buxhetit për institucionet e kulturës, mirëpo sivjet nuk do të ketë edhe aq rritje sa ka pasur vitin e kaluar”, ka thënë Krasniqi, në konferencën përmbyllëse të vitit 2012. (Më gjerësisht lexoni sot në “Koha Ditore”).
