Arrestohet sulmuesi i avokatit Leka, një muaj paraburgim
Artikujt tjerė
- Gjendet i vdekur një 36-vjeçar
- Arrestohen dy të dyshuar për një vrasje në Doblibare
- Arrestohet sulmuesi i avokatit Leka, një muaj paraburgim
- Rrënohet rrethoja e shkallëve në “Karagaç”, mbi 20 nxënës të lënduar
- EULEX heq dorë nga akuza në një rast korrupsioni
- Dritan Lamaj hetoi vëllezërit Frroku për vrasje në Belgjikë
- Frroku e Jaku 40 ditë paraburgim, i kërkon edhe Interpoli
- Arben Frroku sot sillet urgjent me helikopter në Tiranë
- Gjashtë muaj burg për tentuesvrasësin Slobodan Kostiq
- Strugani kapet me 1.7 kg marihuanë
Gjilan – Pas shumë përpjekjeve, është kapur njëri nga sulmuesit e avokatit Ramadan Leka (në foto). Flamur Sejdiu është i dyshuari kryesor i cili mori pjesë në sulmin ndaj avokatit Leka më 13 shkurt të këtij viti.
Të premten në Gjykatën Themelore në Gjilan në Departamentin e përgjithshëm, gjykatësi i procedurës paraprake, Behar Ymeri i ka caktuar masën e paraburgimit prej një muaji Flamur Sejdiut.
Në aktvendim thuhet se ekziston dyshimi i bazuar se më 13 shkurt 2013 i dyshuari, bashkë me një person tjetër, tani për tani të panjohur për organet e ndjekjes, e ka kryer veprën penale “lëndim i rëndë trupor”, raporton rajonipress.
I pandehuri në seancën dëgjimore e ka mohuar veprën.
Avokati Leka ishte sulmuar nga persona të panjohur në zyrën e tij në prani të vajzës së tij. Ky lajm kishte shokuar avokatët, gjykatësit, por edhe shoqërinë civile që kishin kërkuar hetimin urgjent të këtij sulmi.
Ramadan Leka ishte lënduar në fytyrë, në kokë, në hundë, dhe në pjesën ballore të fytyrës.
Sipas mjekëve kujdestar, Leka kishte pësuar plagë pasi ishte goditur me mjete të forta të mprehta.
