Arrestohen pesë falltarë
Artikujt tjerė
- Armë e fishekë, në dyqane ushqimore
- Dy vetëflijime të reja në Shqipëri
- Pengohet kontrabanda e veprave të artit
- Kapen edhe tre grabitës të rrezikshëm
- EULEX-i dënon me burg dy trafikantë të drogës
- Arrestohen pesë falltarë
- Hidhen dyshime se Hamdi Sopa u vra me thikë
- Vetëdigjet në Vlorë 37-vjeçari
- Për një vrasje dhe për një plagosje - 18 vjet burg
- Kapen dy kosovarë për hajni xhepash
Malishevë, 31 janar - Hetues policorë nga Suhareka kanë arritur të identifikonin e më pas t'i ndalonin 4 gra dhe 1 burrë, shtetas të Shqipërisë, për të cilët ekziston dyshimi i bazuar se në bashkëveprim kanë kryer veprën penale të mashtrimit, ka njoftuar të mërkurën Zyra e informimit e Policisë së Kosovës nga rajoni i Prizrenit.
Të dyshuarit, sipas informacionit, më datën 27 janar, në orët e paradites, kanë shkuar në lagjen “Zekolli” në fshatin Bllacë dhe duke u paraqitur si parashikues të fatit (fallxhorë) nga një familje kanë arritur të merrnin me mashtrim stoli ari në vlerë afro 2 mijë e 500 euro.
Stolitë e grabitura me mashtrim në Bllacë të Suharekës, sipas njoftimit, policia ka arritur t’i gjejë dhe sekuestrojë në një shtëpi në rrugën “Faredin Hoti” në Prizren, e cila ishte marrë me qira nga të dyshuarit, të cilët, sipas policisë, po banonin aty ilegalisht për një kohë të gjatë.
Pas intervistave, prokurori i shtetit ka urdhëruar ndalimin e të dyshuarve nën masën e arrestit policor për 48 orë. Informacioni i policisë ka bërë me dije se në rajonin e Prizrenit vitin e kaluar janë raportuar mashtrime të këtij lloji, të cilat kapin vlerën prej mbi 10 mijë eurosh. Policia ua ka tërhequr vërejtjen qytetarëve që të jenë të vëmendshëm dhe të mos bien viktimë e mashtruesve.
