Rrëmbyen biznesmenin italian, 2 në pranga, 2 në kërkim
Artikujt tjerė
- Rrëmbyen biznesmenin italian, 2 në pranga, 2 në kërkim
- Akte vandale në dy shkollat e mesme të Lipjanit
- Vdes pasi bie nga kati i pestë
- Katër të arrestuar për vjedhje veturash
- Një vrasje dhe një plagosje në Mitrovicë
- Fier, grabitet për të tretën herë e njëjta argjendari
- Zyrtari i lartë i PS-së së Shqipërisë arrestohet në SHBA për vjedhje
- Vrasja në Prizren, pasojë e mosmarrëveshjeve familjare
- Prostituta braktis foshnjën në tualet
- Arrestohen tre shqiptarë në SHBA
Romë, 4 janar - I liruar më 31 dhjetor nga forcat e rendit, sipërmarrësi italian Andrea Calevo iu kthye dje familjes dhe punës së tij, me shpresën që të harrojë sa më shpejtë këtë histori.
Biznesmeni 31-vjeçar u rrëmbye darkën e 16 dhjetorit në shtëpinë e tij, përpara syve të së ëmës që jeton me të. Më 21 dhjetor familjes i mbërriti kërkesa e pengmarrësve: “8 milionë euro në këmbim të lirimit të Calevos”.
Sipërmarrësi u lirua falë operacionit të policisë e të karabinierëve paraditen e 31 dhjetorit, kur e gjetën me këmbë e duar të lidhura në bodrumin e një vile në zonën industriale të Sarzanës, pak kilometra larg Lericit.
Kjo është rrjedha e ngjarjeve që tronditi Ligurian në prag festash dhe që deri tani ka çuar në burg katër persona. Të arrestuarit janë pronari i vilës ku Calevo u gjet, 70-vjeçari sipërmarrës ndërtimi, Pierluigi Destri, nipi i tij 23 vjeç, Davide Bandoni, si dhe dy punëtorë shqiptarë, Fabjan Vila, 20 vjeç, dhe Simon Halilaj, 26 vjeç.
Nga marrja në pyetje e të pandehurve, dhe veçanërisht nga rrëfimi i Halilajt, i vetmi që ka vendosur të bashkëpunojë, forcat e rendit janë vënë në kërkim edhe të dy personave të tjerë. Emrat e tyre nuk bëhen të ditur, edhe pse mund të jenë identifikuar, por mësohet se edhe ata janë shqiptarë.
Sipas forcave të rendit dhe të drejtësisë, kanë qenë tre shqiptarët, Halilaj e dy të tjerët në kërkim, ata që fizikisht kanë marrë peng sipërmarrësin, ndërsa kreu i bandës, ai që ka ideuar rrëmbimin është 70-vjeçari italian Destri.
Sipas portalit "Shqiptari i Italisë", dy shqiptarët e kërkuar mund të jenë kthyer në Shqipëri dhe për kapjen e tyre është e nevojshme ndërhyrja e Interpolit dhe e policisë shqiptare.
