Pal Lekaj, në krye të AAK të Gjakovës edhe një mandat
Artikujt tjerė
- Pal Lekaj, në krye të AAK të Gjakovës edhe një mandat
- VV: LDK do që ta financojë fushatën elektorale me para të qytetarëve!
- VV: Malisheva pa prona publike
- Gjilan: Tërhiqet Ahmet Isufi, nominohet Rexhep Kadriu
- Komuna e Podujevës heq shpenzimet e varrimeve të qytetarëve
- Lipjani paguan 104 mijë euro nga kontestet e humbura gjyqësore
- Banorët e trevës së Gorës në hall për mungesë mjekësh
- Lagjja “Arbëria” pa rrugë, pa kanalizim e pa ndriçim publik
- Sfidohet memorandumi kundër punës së fëmijëve
- Rruga e dëmtuar për në Bogë të Rugovës dekurajon turizmin dimëror
Gjakovë, 3 mars - Pal Lekaj do të vazhdojë t’i prijë degës së Aleancës për Ardhmërinë e Kosovës në Gjakovë edhe për një mandat, pasi në Kuvendin VI zgjedhor, që u mbajt sot, fitoi besimin e shumicës së delegatëve pjesëmarrës.
Si njofton Koha Ditore, Lekaj ka fituar me 405 vota, karshi kundërkandidatit të tij, Mentor Kazazi, për të cilin kanë votuar 261 delegatë. Pesë fletëvotime janë shpallur të pavlefshme.
Duke përgëzuar kundërkanditatin e tij që “ka marrë guximin të sfidojë një kryetar komune”, Lekaj ka ftuar që bashkërisht të ndërtojnë një të ardhme më të mirë për qytetarët e Gjakovës.
“Sot me këtë Kuvend ka pasur vetëm fitues. Ajo që sot e ka bërë këtë kuvend madhështor, është konkurrenca dhe vota e lirë, me një transparencë që edhe shtetet perëndimore do ta kishin zili”, tha pos tjerash Lekaj pak çaste pasi u shpall fitues.
Në këtë kuvend ishte i pranishëm edhe kreu i AAK-së, Ramush Haradinaj. “Në Gjakovë sot vijmë me të arritura me punën e madhe që është bërë, por me një rrugë jo të lehtë. Njëkohësisht, synojmë të shkojmë më tutje që Gjakova dhe vendi ynë të munden me sjell rezultatet dhe punë që qytetarët i presin”, tha Haradinaj në përshëndetjen e tij.
