Opozita kundërshton grumbullimin e mjeteve nga prindërit e nxënësve
Artikujt tjerė
- Veseli tërhiqet nga gara për kreun e PDK-s- në Prishtinë
- KFOR-i ndihmon me teknikë Radio-Gjakovën
- Zyra Komunale e Punësimit përballet me 6 mijë punëkërkues
- Klina ngec në realizimin e të hyrave komunale për 7 për qind
- INPO: Komuna e Ferizajt degradon legalisht ambientin
- Opozita kundërshton grumbullimin e mjeteve nga prindërit e nxënësve
- Dëmi nga djegia e Koritnikut ende i pavlerësuar
- Defekti në një kabllo nëntokësore lë Komunën prej një jave pa rrymë
- Bora shkakton vështirësi qarkullimi në Rugovë
- Llapushniku e bllokoi magjistralen në kërkim të një vendkalimi
Prizren, 16 janar – Grupi i ekspertëve të Degës së LDK-së në Prizren ka akuzuar Drejtorinë Komunale të Arsimit dhe disa drejtorë shkollash për grumbullim të mjeteve nga prindërit e nxënësve për nevojat e institucioneve arsimore parauniversitare. Zyrtarë të kësaj partie kanë kërkuar që kjo praktikë të ndërpritet meqë konsiderojnë se një veprim i tillë është diskriminues dhe antiligjor. Por, drejtuesit e DKA-së kanë vënë në pikëpyetje besueshmërinë e pohimeve të opozitës, duke i cilësuar si të pavërteta dhe qëllimkëqija.
Abdullah Thaçi nga Departamenti për Informim i Degës së LDK-së, ka bërë të ditur se DKA-ja në Prizren është shndërruar në një poligon të keqqeverisjes, që nga niveli më i lartë në këtë dikaster e deri në nivelin më të ulët nëpër shkolla.
"Këtë fillimvit drejtoritë e shkollave në Prizren, si p.sh. “Lidhja e Prizrenit” , “Emin Duraku” etj., u kërkojnë nxënësve nga një euro, në emër të pagesës për punëtorin ndihmës për mirëmbajtjen e ngrohjes në shkolla. Janë prindërit e nxënësve ata që janë paraqitur me ankesa në zyrat e Degës së LDK-së, të cilët hapur shprehin dyshimet për keqpërdorimin e këtyre mjeteve", ka thënë Thaçi. Ai ka shprehur bindjen se me një matematikë të thjeshtë në një nga shkollat e qytetit të Prizrenit, e cila i ka mbi 1 mijë 500 nxënës del se për punëtorin ndihmës, brenda një muaji mblidhen 1 mijë 500 euro dhe se shtrohet pyetja ku shkojnë këto mjete, shkruan sot gjerësisht “Koha Ditore” .
theranda 17.01.2013/08:07
Dihet, ne xhepat e atyre qe e kan marr ket vendim.