700 mijë euro për borde politike

Prishtinë, 18 mars - Vetëm bordi i drejtorëve i pesë kompanive më të mëdha publike i kushton buxhetit të Kosovës rreth 350 mijë euro në vit, në emër të kompensimit financiar të kryesuesve dhe anëtarëve të bordit, pa i përfshirë këtu edhe bonuset që i kanë përfituar deri më tani.Më 13 mars 2013, Qeveria e Kosovës ka miratuar rregullat për lartësinë e kompensimit të anëtarëve të bordeve të kompanive qendrore publike sipas kategorizimit. Në kategorinë e parë të kompanive publike janë: Postë Telekomi i Kosovës, Korporata Energjetike e Kosovës, Operatori i Sistemit, Transmisionit dhe Tregut(KOSTT), Kompania Kosovare për Distribucionin dhe Furnizimin me Energji – KKDFE dhe Posta e Kosovës, shkruan “Zëri”.

Kryesuesit e bordeve të këtyre ndërmarrjeve paguhen 850 euro në muaj, plus 200 euro për komisione të auditimit dhe 150 euro për komitetet tjera, apo 1200 euro në muaj.

Ndërsa anëtarët e bordeve kanë pagën prej 750 euro, 150 euro marrin për komisionin e auditimit dhe 150 euro për komitetet tjera.

Në kategorinë e dytë të ndërmarrjeve janë:Ibër Lepenci, Ujësjellësi “Prishtina”, Infrakos, Trainkos dhe Aeroporti Adem Jashari.

Kryesuesit e bordeve të këtyre ndërmarrjeve paguhen 500 euro në muaj, 150 euro për komisionet e auditimit dhe 130 euro për komitetet tjera, ndërsa anëtarët e bordeve marrin 400 euro pagë, 110 euro për komisionet e auditimit dhe po aq në emër të komiteteve tjera.

Kryesuesit dhe anëtarët e bordeve të këtyre ndërmarrjeve i kushtojnë buxhetit të Kosovës rreth 210 mijë euro në vit.

Në kategorinë e tretë janë ndërmarrjet e sektorit të Ujësjellësit, ujitjes dhe mbeturinave, ku kryesuesit e bordeve paguhen 320 euro në muaj, plus 120 euro nga komisioni i auditimit dhe 110 euro nga komitetet tjera.

Ndërsa anëtarët e bordeve marrin 270 euro plus 100 euro nga komisioni i auditimit dhe 90 euro nga komitetet tjera.

Bordet e ndërmarrjeve të kategorisë së tretë i kushtojnë buxhetit rreth 130 mijë euro në vit.

Përfaqësues të shoqërisë civile në vend shpeshherë e kanë kritikuar Qeverinë e Kosovës për politizim të bordeve të kompanive publike.

Sipas një raporti të Institutit “Kipred” të botuar në maj 2011, për bordet e

ndërmarrjeve publike dhe agjencive të pavarura,vendosja e personave politik në krye të bordeve të ndërmarrjeve publike ndodh për shkak të dy interesave madhore të partive politike.

Nga njëra anë, mundësia për të sistemuar anëtarë dhe përfaqësues të lartë të partisë në këto pozita të larta shërben si joshje apo shpërblim nga partia për anëtarët e saj. Kjo krijon mundësinë për të përforcuar radhët e partisë. Për më tepër, kur këta persona emërohen, atyre u jepet fuqia që të punësojnë akoma më shumë persona të politizuar në radhët më të ulëta të ndërmarrjes, kështu duke i dhënë një shtytje më shumë partisë.



Nga ana tjetër, vendosja e anëtarëve të partisë në borde drejtuese të ndërmarrjeve publike i jep fuqi partive politike që të ndikojnë në këtë ndërmarrje për të

shtyrë politikat e tyre.



 

Komente (1)Shpërndaje artikullin

• ALL140.1
• MKD61.5
• USD1.30
• CHF1.25
• GBP0.87

• 20:12Ujdia në parim – detajet brenda javës
• 19:41EULEX-i lobon për gratë e dhunuara
• 19:34Qeveria ka respektuar liritë fetare, por ka edhe probleme
• 19:25Stokholmi në flakë, kryeministri dënon huliganizmin
• 19:05Anëtarja e “Pussy Riot” në grevë urie
• 19:02Refuzohet lirimi me kusht i Musharrafit
• 18:57SHBA dhe Kosova do të forcojnë partneritetin strategjik
• 18:52Pasuria e paligjshme s’mund të konfiskohet pa procedurë për vepër penale
• 18:09Franca investon në trajtimin e ujërave të zeza në Prishtinë
• 18:05Tornadoja në Oklahoma 600 herë më e fuqishme se shpërthimi atomik në Hiroshima