Ndërhyrjet e Serbisë në sistemin energjetik të Kosovë do të shqyrtohen në TKE
Artikujt tjerė
- Ndërhyrjet e Serbisë në sistemin energjetik të Kosovë do të shqyrtohen në TKE
- FMN: Rritja ekonomike në Kosovë sivjet rreth 3%
- "Turkish Airlines" porosit 117 avionë të rinj
- Lushtaku i ka vënë syrin objektit në qendër të Prishtinë
- Institucionet mikrofinanciare me kamata enorme
- Qipro shtyn diskutimin për marrëveshjen e ndihmës
- Hamza, dorë e zgjatur e PDK-së në BQK
- Qipro ndihmohet me 13 miliardë dollarë
- BE 6 miliardë euro për punësimin e të rinjve
- As 200 milionë euro për PTK-në
Prishtinë, 18 mars - Ministri i Zhvillimit Ekonomik, Besim Beqaj ka pritur sot drejtorin e Sekretariatit të Komunitetit të Energjisë, Janez Kopac, me ç’rast u bisedua për realizimin e projekteve konkrete ne lëmin e energjisë dhe obligimet që dalin nga pakoja e tretë e BE-së.
Me këtë rast ministri Beqaj e njoftoi zotin Kopac rreth zhvillimeve në sektorin e energjisë në vendin tonë, me theks të veçantë në projektet që kanë të bëjnë me privatizimin e KEDS-it , projektin e TC Kosova e Re dhe Hidrocentralit të Zhurit.
Beqaj theksoi se është duke u punuar në planin për ndryshimin dhe harmonizimin e ligjeve të pakos së tretë të BE-së në lëmin e energjisë.
Nga ana e tij Kopac vlerësoi bashkëpunimin e deritashëm të Kosovës me Sekretariatin e Traktatit të Komunitetit të Energjisë(TKE) dhe theksoi se Kosova është vendi i parë anëtar i traktatit, i cili ka dorëzuar me kohë planin për ndryshimin dhe harmonizimin e ligjeve të pakos së tretë të BE-së.
Kopac është pajtuar që çështja e ankesës së KOSTT-it lidhur me ndërhyrjet kundërligjore të Serbisë të shqyrtohet në takimin e ministrave të energjisë të vendeve anëtare të Traktatit të Energjisë.
