PTK-ja shkel Ligjin e prokurimit
Artikujt tjerė
- PTK-ja shkel Ligjin e prokurimit
- Emiri Katarit blen 6 ishuj grekë, “nga një për secilin fëmijë”
- Ekonomi Kina premton stabilitet e 7.5 % rritje ekonomike
- Në Shqipëri u zhbllokua tregtimi i qumështit
- Fullani: Parlamenti të miratojë paketën për rritjen e kreditimit
- Kosovës i kanoset ndotja edhe nga veturat e vjetra
- Kosova me udhëzues online të tregtisë ndërkombëtare
- Forbes: Listë rekorde e miliarderëve, Slim i pari
- Genc Rruli: Alarmi nga Kosova për qumështin, abuziv dhe spekulativ
- NË QKUK nisi nga puna shërbimi i radioterapisë
Prishtinë, 5 mars – Postë-Telekomi i Kosovës ka përcaktuar kritere diskriminuese të cilat e dëmtojnë konkurrencën në procesin e prokurimit për të angazhuar një auditor për auditimin e pasqyrave financiare 2012-2014. Kjo kompani ka përcaktuar kritere me anë të të cilave kërkon kompani të auditimit që më parë i kanë audituar pasqyrat financiare të PTK-së, e eventualisht të IPKO-së.
Këto lëshime janë evidentuar nga Organi Shqyrtues i Prokurimit, i cili ka vendosur që këtë proces të prokurimit të iniciuar nga PTK-ja ta kthejë në ritenderim. E me rastin e ritenderimit, OSHP-ja e ka obliguar PTK-në që t’i heqë nenet dhe kërkesat diskriminuese që kanë qenë në dosjen e tenderit.
“Paneli Shqyrtues PTK me rastin e zhvillimit të procedurave për këtë aktivitet të prokurimit ka bërë shkelje të dispozitave të Ligjit të Prokurimit Publik neni 7.2, pasi që ka përdorur kritere të cilat kanë kufizuar konkurrencën”, thuhet në vendimin e OSHP-së. “Urdhërohet autoritetit kontraktues - Posta dhe Telekomi i Kosovës (PTK), që aktivitetin e prokurimit “Auditimi i pasqyrave financiare të PTK sh.a për vitin 2012-2014"...ta kthejë në ritenderim dhe të ndryshojë kriteret diskriminuese.”
Paneli shqyrtues po ashtu ka konstatuar se PTK-ja ka vepruar në kundërshtim me nenin 68 të Ligjit të prokurimit, pasi në dosjen e tenderit ka kërkuar që operatorët që aplikojnë në këtë tender të kenë referenca në auditim në kompani të telekomunikacionit (telefoni fikse ose mobile) me të hyra vjetore se paku nga 10 milionë në ofrimin e këtyre shërbimeve të telekomunikacionit.
(Më gjerësisht sot në Koha Ditore)
