Kusari - Lila: Sektori privat bosht i zhvillim ekonomik
Artikujt tjerė
- Kusari - Lila: Sektori privat bosht i zhvillim ekonomik
- LDK: Problemet në KEK, nuk mund të zgjidhen nga shkaktarët
- Arbitrazhi eliminon kohëzgjatjen e zgjidhjes së kontesteve ekonomike
- Në Shqipëri kafshët fryhen me ilaçe kuajsh, në treg mish kancerogjen
- Dyshimet në Kosovë, në Shqipëri tregtohet, analizat pa përgjigje
- 692 pretendentë kërkojnë mbi 1 miliardë euro borxhe nga “Trepça” !
- Kanë filluar analizat laboratorike edhe të qumështit vendor
- Produkte e Lotarisë së Kosovës tani edhe në Postën e Kosovës
- Në pritje të analizave të qumështit vendor për aflatoksinë
- Ulja e deficitit të lartë tregtar, vetëm me fuqizim të prodhuesve vendorë
Prishtinë, 27 shkurt - Zëvendëskryeministrja dhe ministrja Mimoza Kusari – Lila mori pjesë në përfundimin e projektit “Mbështetja nga BE për Zhvillimin e Bizneseve në Kosovë përmes Programit për Rritjen e Ndërmarrjeve (EGP) dhe Shërbimeve këshilluese për Biznesin (BAS)”, ku foli për rëndësinë e këtij projekti për zhvillimin e bizneseve mikro, të vogla dhe të mesme.
Ministrja Kusari – Lila para një numri të madh të bizneseve pjesëmarrëse tha se “ballafaqohemi me sfida të shumta, por këto sfida adresohen vetëm kur jemi të hapur dhe i diskutojmë qartë, kur e dimë se ne mund të përparojmë si shoqëri vetëm kur kemi sektor privat, të cilët e bartin barrën e zhvillimit, barrën e punësimit mirëpo edhe kanë përfitime të cilat janë atraktive jo vetëm për bizneset kosovare por edhe për ato ndërkombëtare”.
Ndërsa, shefi i operacioneve të BE-së, Christof Stock tha se përmes këtij projekti është ngritur konkurrenca në treg. Ai shtoi se ka vizituar disa biznese që kanë qenë përfitues të këtij projekti dhe se implementimi i tyre ka qenë mbresëlënës.
Ky program 40 mujor kishte për qëllim promovimin e ndërmarrjeve, zhvillimin dhe avancimin si dhe punësimin më të madh përmes ndihmesës në përzgjedhjen e bizneseve të vogla dhe të mesme ku përfshihet edhe sektori i bujqësisë dhe zonat e pazhvilluara ekonomikisht. Brenda këtij programi janë implementuar 29 projekte të EGP, 79 projekte të BAS si dhe 10 aktivitete për zhvillimin e tregut dhe sektorëve të ndryshëm.
Në fund të ceremonisë përmbyllëse është prezantuar programi “Mbështetja e bizneseve të vogla”, prezantimi i përvojave nga përfituesit e BAS-it dhe EPG-së.
Në përmbyllje të projektit, sot, u prezantua edhe mundësia më e fuqishme e mbështetjes së sektorit privat nga Banka Evropiane për Rindërtim dhe Zhvillim.
