BQK-ja nis publikimin e pasqyrave për mikrofinancat
Artikujt tjerė
- BQK-ja nis publikimin e pasqyrave për mikrofinancat
- Për kompanitë që shkelin rregullat e zonave ekonomike, dënime 2-10 mijë euro
- GAP sugjeron investime në energji, transport e bujqësi
- KDI përshëndet ndërprerjen e tenderit për citostatikë
- Greqia ka dalë nga zona e rrezikut
- AKK hetoi 80 zyrtarë për konflikt interesi
- OSHP-ja i jep ultimatum Ministrisë së Kthimit
- KEK-i e do bllokun A2 në prodhim, KE e kundërshton
- CEZ kërkon 200 milionë euro zhdëmtim
- “Toyota” sërish prodhuesi më i madh i automobilave në botë
Prishtinë, 30 janar - Banka Qendrore e Kosovës nga e marta do të nisë publikimet e zakonshme edhe për qarkullimet financiare të institucioneve mikrofinanciare, institucioneve që merren me lizing, si dhe statistikat mbi institucionet që merren me transferimin e parave. Publikimi i këtyre të dhënave, sipas BQK-së, bazohet në ligjin që rregullon operimin e këtij institucioni. Njëkohësisht, publikimi i këtyre të dhënave i është kërkuar BQK-së edhe nga Fondi Monetar Ndërkombëtar.
“Statistikat e publikuara mbi institucionet mikrofinanciare dhe institucionet që merren me lizing përfshijnë bilancin e gjendjes, kreditë sipas sektorëve institucionalë dhe ekonomikë, lizingun, kreditë e reja të lëshuara, normat efektive të interesit në kredi dhe bilancin e suksesit”, thuhet në një kumtesë të Bankës Qendrore.
Ndërkohë, statistikat e publikuara mbi agjencitë për transferimin e parave, sipas kumtesës së BQK-së, përfshijnë bilancin e gjendjes, transferimet ndërkombëtare dhe bilancin e suksesit, shkruan sot “Koha Ditore”.
