Përfaqësuesit e BERZH-it të interesuar të përkrahin privatizimin e PTK-së
Artikujt tjerė
- Përfaqësuesit e BERZH-it të interesuar të përkrahin privatizimin e PTK-së
- Kusari – Lila priti përfaqësues të BERZH-it
- LDK fajëson PDK-në për varfërinë e kosovarëve
- BERZH interesohet për projektet energjetike në Kosovë
- Kriza greke ktheu në atdhe 180 mijë emigrantë shqiptarë
- Shqipëria në qershor bëhet me regjistër elektronik të pronave
- Guvernatori Gërguri priti misionin faktmbledhës të BERZH-it në Kosovë
- Rënie e industrisë në BE
- Kosova nuk arrin të sigurojë grurin dhe misrin nga arat e veta
- Volkswagen vjet shënoi shitje rekorde veturash
Prishtinë, 15 janar - Kryeministri i Republikës së Kosovës, Hashim Thaçi, u takua sot me përfaqësues të lartë të Bankës Evropiane për Rindërtim dhe Zhvillim (BERZH).
Në këtë takim kryeministri Thaçi e vlerësoi vendimin e Bordit të Guvernatorëve për anëtarësimin e Republikës së Kosovës në këtë institucion dhe u shpreh mirënjohës për ndihmën e BERZH-it gjatë këtij procesi.
Po ashtu, Thaçi i falënderoi për përkushtimin dhe punën e tyre të deritashme në sektorin privat. Kryeministri Thaçi duke diskutuar për prioritetet strategjike të Qeverisë së Republikës së Kosovës përfshirë këtu sektorin e energjisë, të infrastrukturës rrugore dhe atë të bujqësisë, theksoi se duhet të punohet intensivisht për fillimin e projekteve dhe shprehi gatishmërinë e Qeverisë për bashkëpunim.
Përfaqësuesit e lartë të BERZH-it e informuan kryeministrin Thaçi për prioritetet e identifikuara në bashkëpunim me Qeverinë e Republikës së Kosovës në kuadër të Strategjisë për Partneritetit me Republikën e Kosovës.
Prioritetet përfshijnë sektorin privat, të energjisë dhe atë të infrastrukturës. Gjithashtu, theksuan se kjo strategji është duke u punuar sipas parimit fast track, me qëllim që sa më shpejt të fillohet me implementimin e projekteve.
Përfaqësuesit e BERZH-it shprehën interesimin e tyre për të përkrahur procesin e privatizimit të PTK-së dhe projektin Kosova e Re, si dhe projektet e reja të infrastrukturës rrugore.
Ata shprehën interesimin edhe për përkrahjen e sektorit privat me asistencë teknike, si dhe investime në projekte të ndryshme përfshirë këtu edhe projektetet për efiçiencën e energjisë.
