Bode: Rritja ekonomike zbriti në 1.5 për qind
Artikujt tjerė
- Shqipëri: kreditë e këqija, në nëntor arritën 23 %
- Interesim për investime në energji të përtëritshme
- BB: Kosovës i nevojitet reforma e institucioneve
- Asnjë centimetër para për anëtarësim në OBT
- KEK: Nga digjitalizimi fitojnë të gjithë
- SHBA refuzon të prodhojë monedhë trilionëshe
- "Beobank" kërkon hise në "Trepçë"
- Qeveria “ngrin” Brezovicën
- Kompania libaneze shënjestron PTK-në
- Bankat kosovare mbi 250 milionë euro fitim
Tiranë, 11 janar - Ministri shqiptar i Financave, Ridvan Bode pranoi se rritja ekonomike në vitin 2012 zbriti në nivelin më të ulët që nga fillimi i krizës, përtej çdo vlerësimi të qeverisë.
“Ekonomia shqiptare për vitin 2012 mendohet të ketë një rritje 2 ose 1.5 për qind, duke shprehur atë që është dëshmuar në vitet e mëparshme, dinamizmin më të mirë krahasuar me ekonomitë e rajonit. Ajo është më e ulët sesa mesatarja historike, por edhe më e ulët se para viteve të krizës”, deklaroi Bode.
Sipas Bodes, kriza e zgjatur që vjen nga eurozona ka ndikuar në dobësimin e rritjes së ekonomisë shqiptare.
Veç ngadalësimit të ekonomisë, kriza ka sjellë dhe përkeqësimin e treguesve fiskalë të vendit. Ministria e Financave llogarit se në fund të vitit borxhi publik kërceu në 61.9 për qind të prodhimit kombëtar.
Por Bode thotë se arsyet e rritjes së tij lidhen me garancitë që shteti jep për ndërmarrjet publike dhe jo me huamarrjen e qeverisë.
“Është deklaruar në media se qeveria po merr shumë para borxh. Jo, nuk është e vërtetë. Huaja është 3.2 për qind e GDP-së. Viti i fundit i qeverisë socialiste ka pasur 5.1 për qind të GDP-së si huamarrje”, tha Bode, raporton Top-Channel.
Edhe me këtë rritje borxhi, ministri i Financave ripërsëriti qëndrimin se qeveria nuk do të marrë në shqyrtim asnjë masë për të rritur taksat, pasi sipas tij kjo do të dëmtonte më shumë ekonominë.
