Reali tregon “klasin”, eliminon Unitedin mes Manchesterit

Manchester, 5 mars – Reali e Mundi Manchester Unitedin mes Manchesterit me rezultat 2:1, dhe i fiku  ëndrrat e sivjetshme të ekipit anglez për Ligën e Kampionëve. Megjithë avantazhin e United, Reali arriti të kthehet në lojë dhe të triumfoi në këtë ndeshje të rëndësishme.  Në ndeshjet e rëndësishme të ekipeve të mëdha, siç ishte ndeshja e Manchester United – Real Madrid, taktizimi i trajnerëve, poashtu është pjesë e rëndësishme e lojës, që shumë raste shpaguhet, por, poashtu në jo pak raste di të jetë dëshprues. Në ndeshjen e sotme për strategun e United taktizimi u tregua kundërproduktiv dhe dëshprues.

Ai la në bankën rezervë Wayne Rooneyn dhe Kagawan, autorin  e het-trickut që e shënoi në ndeshjen e fundit të Manchesterit në Premier League, ndërsa në fazën e sulmit kishte angazhuar Robin van Persien, Danny Welbeckun dhe Nanin, që , dihet, më shumë është rezervist se sa në ekipin e parë të Manchës.

Në përbërjen shartuese ishte edhe veterani Ryan Giggs, i cili ka  regjistruar paraqitjen e njëmijtë në karrierë.

Te Reali, Karim Benzema është lënë në bankën rezervë nga Jose Mourinho, i cili ka preferuar të luajë më Gonzalo Higuanin në sulm.

Sidoqoftë loja nisi me kujdes të madh nga të dy ekipet. Edhe Manchesteri, edhe Reali

bënin përpjekje që ta largojnë sa më shumë topin nga gjysmëfusha e tyre, përkatësisht ta zhvillojnë lojën larg portave  për të mos marrë gol. Dhe megjithë disa shanse, që i patën të dy ekipet, pjesa e parë u përmbyll me rezultat të bardhë.

Por në pjesën e dytë, që në fillim, më saktësisht  Manchesteri kaloi në avantazh me një autogol, të Sergio Ramos, që në Real sa është hero, sa lojtari më tragjik dhe dëshprues.

Por, nuk vonoi dhe Reali barazoi. Në minutën 66 nëpërmjet kroatit Luka Modriq, madrilenët barazuan 1:1, ndërsa vetëm tre minuta më vonë, nëpërmjet Cristiano Ronaldos, që po dëshmon formë perfekte, kaluan në avantazh, duke përmbysur gjithçka në Manchester.

Me fitore të çmueshme, përkatësisht me rezultatin 2:1, Reali përmbylli këtë ndeshje.

Borussia Dortmund e pati shumë më të lehtë ‘betejën e sotme” për të shkuar tutje në garën e elitës së futbollit evropian. Borussia e mundi me rezultat 3:0 Shakhtar Doneck. Golat për kampionin gjerman i shënuan  Augusto në minutën 31, M. Götze në minutën 37 dhe për 3:0 J. Blaszczykowski  në minutën 59.

 

Komente (16)Shpërndaje artikullin

• 18:09Franca investon në trajtimin e ujërave të zeza në Prishtinë
• 18:05Tornadoja në Oklahoma 600 herë më e fuqishme se shpërthimi atomik në Hiroshima
• 17:56Rifilloi takimi Ashton - Thaçi – Daçiq
• 17:47Skulptura 3D prej sheqeri
• 17:39Dy qytetarë të Serbisë dënohen me nga 1 muaj burg në Kosovë
• 17:30Turqia “parandalon” sulme ndaj refugjatëve sirianë
• 17:20Merkel - gruaja më me ndikim në botë
• 17:10Përfaqësuesi i Kosovës në BB qëndroi në BQK
• 17:02Përkujtohet 14-vjetori i masakrës në Burgun e Dubravës
• 16:56Në Slloveni diskutohet për bashkëpunimin rajonal në fushën e sigurisë