Reali brenda 4 ditësh dy herë mposht Barcelonën

Madrid, 2 mars –  Dy herë brenda 4 ditësh Reali tregohet më i fortë se Barcelona. Në Barcelonë, në gjysmë finale të Kupës së Mbretit  fitoi 2:0, ndërsa ndeshjen e sotme të Primeras e fitoi 2:1. Në të dy ndeshjet u tregua futboll i nivelit të lartë, veçmas ndeshja e sotme tregoi futboll të veçantë-aksione të shumta, pasime, shanse, dhe angazhim të të dy ekipeve. Shi për këtë, pra për shkak të nivelit superlativ të futbollit të luajtur në derbin Real - Barcelona, Liga spanjolle e futbollit, sado e fortë që është, ka vite, por edhe në këtë sezon, ka mbetur  nën hijen e ndeshjeve që zhvillojnë dy ekipet më të fuqishme , e sidomos nën hijen e ndeshjeve ndërmjet këtyre dy ekipeve, qoftë për kampionat , apo për kupë. El Clasico, siç njihen ndryshe ndeshjet e luajtura Real - Barcelona, tashmë po përcillet me interesim jo vetëm në Spanjë, por edhe në mbarë botën dhe në Kosovë, pikërisht për shkak të atraktivitetit të saj dhe emrave të angazhuar në të dy skuadrat.
Në shumë mjedise hoteliere të Prishtinës sot ky derbi u transmetuar ne ekrane të mëdha.

Ndeshja e sotme derbi, e 166 në Primera, ndërmjet Realit dhe Barcelonës, u luajt vetëm katër ditë pas takimit në gjysmë finale të Kupës së Mbretit, në të cilën ngadhënjeu ekipi madrilen.
Megjithatë, duket që strategu u Realit, Mourinho, ndeshjen e sotme e vlerësoi si më pak të rëndësishme se sa betejat që e presin në  Ligën e Kampionëve, pasi që nga fillimi la në jashtë lojës lojtarin më të mirë të skuadrës Kristiano Rinaldon, por edhe  Oezil, Khedira e Alonso.
Megjithë mungesën e tij, madrilenët furishëm e nisën derbin e sotëm, dhe që në minutën 6, ata kaluan në epërsi 1:0 nëpërmjet Benzemas, Francezi i Realit nuk e pati vështirë për të shënuar me topin e shërbyer mirë nga Morate.
Kur simpatizuesit e Barcelonës nisën të frikohen  për fatin e ekipit, duke parë lojën ofensive të Realit dhe kur shumëkush mendoi se Barcelona do  të pësoi si para katër ditësh, në skenë doli Lionel Mesi. Ai në një kundërsulm të shpejtë e qiti jashtë lojës Sergio Ramosin në anën e djathtë të fushës dhe me një shut “zhagas” e barazoi rezultatin
duke e kthyer shpejt Barcelonën në lojë.
Pjesa e parë përfundoi baras, sado që nga të dy anët pati jo pak shanse  të mira për gol.
Ndërkohë pjesa e dytë filloi furishëm. Ekipet hapen lojën, ndërsa shanset u shpeshtuan te të dy ekipet.
Mourinho futi në lojë Ronaldon që në minutat e parë të gjysmëlojës së dytë, për ta forcuar sulmin dhe kurajën e ekipit. Ky ndërrim në fund u dëshmua  i efektshëm.
Blaugranët vazhduan me kontrollimin e lojës edhe në pjesën e dytë e dytë, posedimi dhe pasimet e tyre të sakta, ishin shumë më të larta në raport me kundërshtarin.
Por rreziku nga madrilenët gjithnjë ishte aty.
 Dhe kur po zhvillohej minuta e 82-të, Reali kaloi në avantazh 2:1, nëpërmjet Sergio Ramos, rezultat ky me të cilin u përmbyll ky derbi.

Komente (4)Shpërndaje artikullin

• 19:08Të martën takimi i radhës Thaçi-Daçiq
• 18:56Sulm terrorist në Rusi, tetë viktima
• 18:45SHBA: Trepça nën juridiksionin e Qeverisë së Kosovës
• 18:42Agimi i Artë kundër xhamisë në Athinë
• 18:29Eneda Tarifa bëhet nënë, vjen në jetë Aria
• 18:18Arrestohet mjeku - kishte kërkuar ryshfet 200 euro
• 18:06Prishtina dhe Hiroshima lidhen me Gurin e Paqes
• 17:56Mustafa: Marrëveshja Kosovë-Serbi duhet të zbatohet
• 17:44Paralajmërohet hapja e qendrave të reja kulturore
• 17:35Presidenti birmanez viziton SHBA-në