Sot, dy derbi në Premier League
Artikujt tjerė
- Sot, dy derbi në Premier League
- Galliani kërkon një Milan më të ri dhe më italian
- Pickering ndërron shtegun e atletikës me akull
- PSV luan futboll në burg
- Chelsea si mysafir deklason Stoke S.
- Stërvitja e parë e Patos në klubin e ri
- Rally Dakar merr viktimën e radhës
- Messi më 2005, për pak firmosi me PSV-në
- Dikur pa para, sot Michu kushton 30 milionë euro
- Portlandi befasoi kampionin
Manchester, 13 janar (AP) - Kontraversitetet po e ndjekin Luis Suarezin më tepër se çdo lojtar tjetër të Premier Leagues së Anglisë. Sulmuesi i Liverpoolit do të jetë sërish në qendër të vëmendjes në derbin e madh anglez të së dielës kundër rivalit të përbetuar Manchester Unitedit.
Reprezentuesi i Uruguait ka gjetur formën duke shënuar 15 herë këtë stinor në kampionat - i dyti në listën e shënuesve pas Robin van Persiet të Unitedit me 16 gola - por ai jo rrallë po bën bujë në media për gjëra negative.
Shpesh kritikohet për simulime teatrale, ndërsa të dielën ka shkaktuar bujë pasi ka shënuar gol me ndihmë të dorës që ishte goli i fitores në ndeshjen e FA Cup të Anglisë kundër skuadrës së rangut të ulët Mansfield.
Suarezi rikthehet në "Old Trafford" për herë të parë që kur kishte refuzuar një shtrëngim të dorës me mbrojtësin e Unitedit, Patrice Evra, dhe kjo do të ndikojë për një pritje të zjarrtë në fundjavë. Suarezi para atij rasti kishte marrë një suspendim prej tetë ndeshjeve dhe një gjobë të madhe për fyerje raciste ndaj Evras gjatë një ndeshje.
Trajneri i Unitedit, Sir Alex Ferguson, e kishte quajtur Suarezin si "turp" pas asaj ngjarjeje në shkurt, por shpreson që gjitha fjalët kësaj radhe do të jenë për dy skuadrat më të suksesshme të futbollit anglez.
"Gjithmonë do të ketë shkrime të ndryshme para ndeshjes mes Manchester Unitedit e Liverpoolit, thjesht për shkak të historisë mes dy skuadrave. Vitin e kaluar ishte i pavend ai gjest i Suarezit. Unë mendoj dhe shpresoj se kjo gjë është e harruar nga dy skuadrat dhe se mund të shikojmë para për një ndeshje të madhe", ka thënë Ferguson.
Kanë kaluar ato ditë kur Unitedi e Liverpooli luftonin kokë më kokë për titull. Titulli i fundit i Anglisë nga 18 sa i ka fituar ishte në vitin 1990. Dallimet mes skuadrave ndoshta kurrë më herët nuk kanë qenë të mëdha sa tani. Liverpooli zë pozitën e tetë pas 21 ndeshjeve me 31 pikë dhe është plotë 21 pikë prapa Unitedit që kryeson.
Sot do të zhvillohet edhe një derbi tjetër ku kampioni në fuqi Manchester City do të luajë si mysafir i Arsenalit.
