Gashi e Nushi shënojnë në derbi
Artikujt tjerė
- Gashi e Nushi shënojnë në derbi
- Mavraj: Nuk e kemi merituar të turpërohemi nga tifozët
- Hetemaj mposht Behramin e Xhemailin
- Hendboll, Trepça - Drita nuk u zhvillua
- Gavazaj provohet në Gjermani
- Basketboll, Berisha pritet të mungojë minimum dy javë
- Në nismë, Drita ia jep të mbrapshtën Lirisë
- Vushtrriasit nisin misionin e shpëtimit me fitore
- Shaqiri - në vendin e birrës, nuk pi birrë
- Rama e quan sukses debutimin në La Liga
Mesfushori Shkëlzen Gashi ka hyrë në lojë në minutën e 86-të, ndërsa në minutën e 92-të shënoi gol për të vërtetuar fitoren e Grasshopperit kundër St. Gallenit me rezultatin 3:1. Takimi i luajtur të shtunën mbrëma i takonte javës së 23-të të Superligës së Zvicrës. Për Gashin 24-vjeçar ky ishte goli i dytë këtë edicion. Golin e vetëm për St. Gallenin e shënoi Kristian Nushi, që në minutën e 26-të barazoi shifrat në 1:1. Për Nushin ishte goli i parë i edicionit. Te Grasshopperi tërë ndeshjen luajti Amir Abrashi, ndërsa nga minuta e 88-të u aktivizua edhe Mërgim Brahimi. Për St. Gallenin, Nushi luajti deri në minutën e 73-të, ndërsa Ermir Lenjani qëndroi në stol. Grasshopperi i prin klasifikimit me 48 pikë, ndërsa St. Galleni është i treti me 36. Ndërkohë, Pajtim Kasami u ndëshkua me karton të verdhë në barazimin 1:1 të Luzernit me Servetten. Kasami luajti tërë ndeshjen, ndërsa u "zverdh" në minutën e 21-të. Në pjesën e dytë për Luzernin luajti edhe Jahmir Hyka. Luzerni është i parafundit (9) me 21 pikë të mbledhura.
Mesfushori kosovar, Vullnet Basha, është ndëshkuar me karton të kuq te Sioni që u mposht në shtëpi nga Lausanne me rezultatin 1:0.
