21-shi llogarit në Robersonin
Artikujt tjerė
- 21-shi llogarit në Robersonin
- Peja liron Garnettin
- Bashkimi sërish në kërkim të lojtarëve të huaj
- Hajvalia e mposht Renovën
- Ferati mund të kalojë në Winterthur
- "Shaqiri duhet të luajë për Kosovën"
- Cana në finale të Kupës së Italisë
- Moenchengladbach refuzon ofertën e Lazios për Xhakën
- Me afrimin e meçit, respekti i Cleverlyt për Krasniqin po rritet
- Lirinë po e mban shpresa
Klubi RTV 21 llogarit për pranverë në shërbimet e fundorit amerikan Brandon Roberson. Roberson skuadrës prishtinase të promovuar në Superligën e Kosovës në basketboll iu bashkua dy javë më parë, por amerikanit i kanë dalë telashe me skuadrën malaziase, Ibar Rozhajë. Ibari pretendon se ka kontratë valide me Robersonin dhe se e ka suspenduar atë për largim nga klubi. Ky pretendim është mbështetur edhe nga Federata e Basketbollit e Malit të Zi që ka kërkuar nga FBK-ja të mos regjistrojë këtë lojtar. Roberson në vjeshtë ishte koshashënuesi më i mirë i kampionatit të Malit të Zi. "Roberson ka kërkuar nga Federata e Basketbollit e Malit të Zi që të shkëpusë kontratën me Ibarin, pasi ky klub ka bërë shkelje të rëndë të kontratës. Ai është duke pritur përgjigje, ndërsa ne jemi të bindur se ka të drejtë. Ne llogarisim në të. Nëse Federata malaziase nuk merr vendim për shkëputje të kontratës, atëherë do t'i drejtohemi FIBA-s", ka thënë ndihmës-trajneri i 21-shit, Leart Hoxha. Skuadra prishtinase ka arritur marrëveshje edhe me fundorin tjetër amerikan Kendrick Jones.
(foto ilustrim)
