Afrim gati vdekjeprurës me rinoqerontin
Artikujt tjerė
- Afrim gati vdekjeprurës me rinoqerontin
- Francezët filluan operacionet tokësore në Mali
- Në Moskë vritet numri 1 i mafias ruse
- Mark Gjonaj, shqiptaro-amerikani i parë në post të lartë politik (video)
- Valë sulmesh në Irak, 17 të vrarë
- New Yorku miraton ligjin kundër armëve
- Shpërthim e të shtëna në Kabul
- Asadi ka ikur dhe jeton në anije?
- Bie helikopteri në Londër, dy të vdekur
- SHBA: Dy të plagosur nga të shtënat në një kolegj
Johanesburg, 16 janar - Për një foto të rrallë, sidomos kur bëhet fjalë nga bota e egër e Afrikës, kushdo mund të mposhtë për pak çaste frikën e t’u afrohet “përbindëshave”. Por rreziku është i madh. Pjesë e një përvojë tragjike është bërë 24-vjeçare afrikano-jugore, Chantal Beyer, dhe bashkëshorti i saj. Ata ndaluan një parkun natyror “Hotel and Nature Reserve” për të bërë një foto me dy rinoqerontë të bardhë në sfond.
Dy të rinjtë kanë zbritur nga makina e tyre dhe fillimisht frika ka stepur kureshtjen për t’u afruar sa më shumë kafshëve. Por, ka qenë pronari i parkut ai që i ka nxitur të afrohen edhe pak, duke u thënë se nuk përbënte asnjë rrezik, transmeton TCH.
Pa u menduar dy herë, dy bashkëshortët janë afruar dhe sapo është shkrepur fotoja kujtim nga bota e egër, tragjedia ka ndodhur. Një rinoqeront e ka sulmuar nga pas vajzën duke e goditur me bririn e tij në shpatull.
24-vjeçja mori plagë të rënda, çarje të mushkërive dhe hematoma të tjera në trup. Ajo u shoqërua menjëherë në një spital të Johanesburgut, ku gjendja e saj shëndetësore paraqitet e qëndrueshme, por sërish me rrezik për jetën.
Edhe bashkëshorti i saj u godit nga rinoqeronti, por plagët e tij janë më të lehta. Autoritetet kanë nisur hetimet ndaj pronarit të parkut që ishte edhe autor i foto. Dyshohet se ai ka neglizhuar rrezikun që u kanosej dy të rinjve dhe i ka nxitur ata t’u afrohen më shumë kafshëve të egra.
