Babai kërkon të publikohet emri i studentes së përdhunuar
Artikujt tjerė
- Babai kërkon të publikohet emri i studentes së përdhunuar
- Assad “shtrin dorën” për dialog
- Venezuelë: Shtyhet afati i betimit të presidentit
- Hillary Clinton, sekretare e rekordeve
- Tensione mes Pakistanit dhe Indisë
- Orgji në ambasadën e Hondurasit në Kolumbi, dorëhiqet ambasadori
- Mahmud Abas me dekret shpall shtetin e Palestinës
- SHBA: Katër të vrarë nga të shtënat në Kolorado
- Trazira në Belfast
- Indi: Akuza kundër një stacioni televiziv
New delhi, 6 janar - Babai i studentes indiane që ndërroi jetë pas përdhunimit nga pesë persona në New Delhi të Indisë bëri apel që emri i vajzës së tij të bëhet publik dhe të jetë një frymëzim në luftën kundër fenomenit.
Publikimi i emrave të viktimave të përdhunimit, apo edhe ai i të afërmve të tyre ndalohet me ligj në Indi, një masë e kahershme kjo e vendosur për të mos stigmatizuar viktimat e këtij fenomeni mjaft të përhapur në këtë vend, transmeton TCH.
Në kushtet e anonimit, babai i studentes tha për mediat britanike se dëshiron që emri i vajzës së tij të bëhet publik që të shërbejë si një frymëzim për viktimat e tjera të sulmeve seksuale. Thirrjes së tij u është përgjigjur ministri Shashi Tharoor që urdhëroi autoritetet të zbardhin identitetin e saj, emër që do të përdoret në hartimin e një ligji të ri kundër përdhunimit.
Rasti i përdhunimit të 23-vjeçares në një autobus ndezi protesta të dhunshme në Nju Delhi. Protestuesit kërkuan dënimin me vdekje për autorët e krimit dhe fajësuan autoritetet për paaftësi në mbrojtjen e vajzave në rrugët e kryeqytetit, sidomos gjatë natës.
