Greqia, e gjitha në grevë
Artikujt tjerė
- Greqia, e gjitha në grevë
- Halimi: Jemi mësuar të na quajnë ‘ekstremistë islamikë’
- Sharje e kërcënime mes deputetëve shqiptarë në Kuvendin e Maqedonisë
- Kandidati për kryetar të Strugës la postin e deputetit
- Ramush Haradinaj, qytetar nderi i Tetovës
- Asnjë propozim për kontestin e emrit të Maqedonisë
- Jeremiq: Kosova nuk mundet në OKB pa thënë Serbia
- Thaçi takon Gruevskin
- Hetime rreth “kamerës së fshehtë të Daçiqit”
- OSBE: Situatë delikate në Luginë
Athinë, 31 janar - Greqia është përfshirë përsëri nga një valë grevash në sektorë të ndryshëm të vendit. Nga mëngjesi i së enjtes në grevë 24 orëshe ndodhen drejtuesit e mjeteve të shërbimit publik të autobusëve, tramvajit, trenave dhe disa pjesëve të metrosë se kryeqytetit.
Gjithashtu, spitalet do të punojnë me personel vetëm për raste emergjence. Unioni i Sindikatave të sektorit publik ka ndaluar punën për disa orë në shenjë solidarizimi me sindikatat e mjekëve dhe të nëpunësve spitalorë.
Ndërkohë, vazhdojnë grevën e tyre për të nëntën ditë rresht punonjësit e kantiereve detare të Elevsinës, të cilët kanë më shume se 13 muaj pa u paguar. Anijet do të ngelen të ankoruara në porte për 48 ore rresht pasi marinarët kundërshtojnë reformat qeveritare në këtë sektor.
Ne grevë janë edhe nëpunësit e Shërbimit Elektrik Kombëtar. Ndalime pune do të ketë edhe në shkollat mesme dhe ato të ulëta. Në protestat para ministrive përkatëse dhe më pas para parlamentit vendin kryesor e zënë thirrjet dhe parullat ndaj masave shtrënguese dhe reformave qeveritare që kanë si synim reduktimin e pagave, pensioneve dhe pushimet nga puna, informon Top-Channel.
Pasi ka marrë më shumë se 46 miliardë euro ndihmë nga kreditoret e huaj, Athina zyrtare ka filluar me zell të madh të zbatojë reformat e kërkuara nga BE-ja dhe FMN-ja, duke ulur ndjeshëm të ardhurat, duke rritur taksat, ndërsa papunësia ka shkuar në mbi 26%. Masat kane gjetur në mënyrë të herëpashershme kundërshtimin e sindikatave, ndaj edhe grevat dhe protestat e dhunshme janë bërë të zakonshme tashme në Athinë dhe qytetet e tjera të këtij vendi.
