Daçiq: Për karrigen në OKB Kosova duhet të japë diçka

Beograd, 15 janar - (E plotësuar) Kryeministri i Serbisë, Ivicia Daçiq ka bërë me dije se Serbia mund të bisedojë rreth karriges për Kosovën në OKB, por në këtë rast edhe Prishtina duhet të japë diçka, transmeton njoftimet B92. 

“Mund të bisedojmë për çdo gjë. Ne nuk ikim nga kjo, s’është kontestuese. Ne kërkojmë marrëveshje gjithëpërfshirëse, por që kjo të arrihet duhet të jepet diçka”, u shpreh kryeministri serb para gazetarëve  në Pallatin e Drejtësisë dhe pyeti: “Çka mendojnë ata, që ne duhet të japim çdo gjë?” 

Kryeministri serb tha se Serbia është për një zgjidhje gjithëpërfshirëse, por nëse kjo nuk dëshirohet, atëherë për karrigen në Kombet e Bashkuara nuk mund të bisedojmë.
Daçiq deklaroi se Serbia është e gatshme për zgjidhje kompromise, por në këtë rast të dy palët duhet të jenë të gatshme për koncesione.

“Ata po na bëjnë presion përmes Bashkimit Europian, ndërsa ne nuk i lëmë në Kombet e Bashkuara. E çfarë, a duhet kështu të shtyhemi me vite?” pyeti kryeministri serb, Daçiq.

Daçiq: Veçantia e serbëve – temë dialogu deri në verë
Beograd, 15 janar - 13:35 - Kryeministri i Serbisë Ivica Daçiq deklaroi sot se rezolutën për Kosovën tashmë ia ka dorëzuar përfaqësuese së lartë të BE Catherin Ashton, e cial ndërmjetëson në dialogun Prishtinë – Beograd dhe ka thënë se Hashim Thaçi nuk mudn të vendosë për çfarë do të bisedohet në takim, njofton Tanjug

Lidhur me deklaratën e Thaçit se nuk do të lejojë që rezoluta të gjendet në tryezën e bisedimeve ka theksuar se ai këtë e ka bërë për nevoja të brendshme.

Ai ka theksuar se edhe vetë Ashton ka thënë se do të fillojnë bisedat për paralelizmin e institucioneve dhe veçantinë e serbëve dhe se për këtë shkak për rezolutën e platformën do të bisedohet.

"Këto tema nuk mund të evitohen", ka theksuar Daçiq .

Kryeministri serb ka thënë se temat e rundit të ri të dialogut më 17 janar do të jenë zgjidhja për funksionimin e vendkalimeve dhe analiza e zbatimit ë marrëveshjeve të arritura, porse vetë Ashton ka paralajmëruar se do të hapet po ashtu çështja e paralelizmit të institucioneve dhe veçantia e serbëve.

"Kur them veçanti e serbëve mendoj se këtë duhet ta kenë të gjithë të qartë se duhet gjendur zgjidhje e cila, madje edhe sipas deklaratave të mëhershme të zyrtarëve evropianë, flitet për veçanti të rajonit", ka thënë Daçiq dhe ka shtuar se për këtë mu tash do të fillohet të bisedohet  dhe se është plan i Ashtonit që kjo të jetë temë deri në verë.

Komente (13)Shpërndaje artikullin

• 17:36Certifikohen 41 nënoficerë të FSK-së
• 17:26Balona paqeje në Kabul
• 17:13Presidentja Jahjaga priti kongresistin amerikan Robert Aderholt
• 17:02Arrestime masive të shqiptarëve në Plavë e Guci
• 16:55167 vjetori i lindjes së Naim Frashërit
• 16:37Sot - Dita Ndërkombëtare e fëmijëve të humbur
• 16:26Inspektorati po e mbikëqyrë zbatimin e ligjit për duhanin
• 16:18Incident në Shkup, një i plagosur
• 16:08Huliganët e Borussias dhe Bayernit përleshen në Londër (Video)
• 15:47Këpucë ari në kohë krize