Nikoliq: Nuk dua që Prishtina të vendosë për mua

Beograd, 5 janar – (E plotësuar) “Nuk shkoj për Krishtlindjet ortodokse në Graçanicë, sepse nuk dua që Prishtina të vendosë se a mund të shkojë në Kosovën tonë”, deklaroi për gazetën Kurir presidenti serb Tomisllav Nikoliq.

Duket qartë se EULEX-it pret autoritetet në Prishtinë ta lejojnë vizitën, sqaroi Nikoliq, dhe shtoi se për këtë arsye do të detyrohet ta ndryshojë qëndrimin e tij ndaj misionit të EULEX-it, por edhe ndaj Brukselit!

“Nuk më kanë lejuar të shkojë në Kosovë derisa kam qenë përfaqësues i opozitës, e nuk më lejojnë as tash, kur jam president i Serbisë”, tha ai.

Zëdhënësja e EULEX-it, Irina Gudeljeviç deklaroi mbrëmë se nuk është EULEX-i ai që vendosë për vizitat, por Prishtina.

Zëvendëskryeministri i Kosovës, Hajredin Kuçi konfirmoi mbrëmë se institucionet e Kosovës janë ato që nuk i kanë lejuar vizitën Nikoliqit.
“Nikoliq do të mund të vizitojë Kosovën vetëm atëherë kur të sigurojë reciprocitet në vizita edhe për liderët e Kosovës në Luginën e Preshevës. Ky vendim për moslejim të vizitës është marrë në konsultim me partnerët ndërkombëtarë”, tha Kuçi.  
Edhe në komunikatën e Ministrisë së Drejtësisë të Kosovës thuhet se zëvendëskryeministri dhe ministri i Drejtësisë, Hajredin Kuçi, ka refuzuar kërkesën e presidentit të Serbisë, Tomislav Nikoliq, për të vizituar Kosovën, më 7 janar të këtij viti.
Në refuzim të kërkesës së Nikoliqit, përmendet edhe pengimi që autoritetet e Serbisë i kanë bërë ministrit të Diasporës, Ibrahim Makolli, të cilit më 2012, autoritetet e Serbisë nuk i kishin lejuar të shkonte në Preshevë për t’u takuar me përfaqësues të Preshevës, siç kishin vepruar edhe në dhjetor të të njëjtit vit ndaj ministres së Tregtisë dhe Industrisë, Mimoza Kusari-Lila.
Komunikatës së Ministrisë së Drejtësisë, për refuzimin e kërkesës së Nikoliqit për të vizituar Kosovën, i janë bashkangjitur kopje të kërkesës së presidentit Nikoliq, e cila i është përcjellë të zëvendëskryeministri Kuçi nga shefi i Zyrës së BE-së në Kosovë, Samuel Zbogar, si dhe kopje të refuzimit të kërkesës.

Komente (32)Shpërndaje artikullin

• 20:50Huffington Post: Amfiteatri i Durrësit në rrezik
• 20:44SHGSPK-ja dënon fyerjet e tifozëve ndaj Binakut
• 20:38Bale me kontratë të re te Tottenhami
• 20:30Brad Pitt: Jam më i lumtur se kurrë
• 20:20Arabia Saudite ekzekuton 5 jemenas
• 20:14Filloi takimi trepalësh – Ashton – Thaçi – Daçiq
• 20:09Haradinaj: Gjilanit e Anamoravës nuk do t`i hymë në hak
• 19:53Memorandum Mirëkuptimi BQK- MF – Kuvend
• 19:45SHBA: Fotot e Bin Ladenit mbeten sekret
• 19:30Ushtritë izraelite-siriane shkëmbejnë zjarr