Zhbogar: Është koha për Evropë
Artikujt tjerė
- Zhbogar: Është koha për Evropë
- Cliff: Veto Serbisë nëse nuk i njeh marrëveshjet
- Mitrovicë: Sulme nga frika e shuarjes së strukturave paralele
- Demaçi: Amerika ta trajtojë Serbinë si gjakatar, që i bëri 4 luftëra
- Nesër protestë “gjithëpopullore” kundër faturave të energjisë elektrike
- Shefi i EULEX-it viziton Mitrovicën
- Blomeyer: Nuk do të ketë pushtet të tretë
- Kompetencat e asociacionit
- Kroacia përkrahë Kosovën në integrime evropiane
- GAP: Vetëm një nga 19 ministrit deklaron shpenzimet
Rahovec, 5 mars - Shefi i Zyrës së Bashkimit Evropian në Kosovë, Samuel Zhbogar,ka përgëzuar kryetarin e Rahovecit, Smajl Latifin për fillimin e zbatimit të Ligjit për Hoçën e Madhe.“Mendoj se kjo është sjellje evropiane dhe koha për Evropë është pikërisht tani”, ka thënë Zhbogar.Ai tha se është i kënaqur që marrëdhëniet në Rahovec, janë shumë të mira, pavarësisht problemeve në të kaluarën.
Zbogar tha se BE-ja ka realizuar disa projekte, që janë vlerësuar pozitivisht nga njerëzit në Rahovec.
“Dëgjova kryetarin në lidhje me historinë e komunës, përfshirë edhe lidhjet mes njerëzve. Jam i kënaqur kur takoj liderë të cilët dinë dhe kanë vizion për komunën e tyre”, tha Zhbogar, raporton PrizrenPress.
Ai ka vizituar edhe fshatin Hoçë e Madhe, manastirin ortodoks në fshatin Zoqishtë, ndërsa një takim mjaft emocionues e ka pasur edhe me gratë e veja të Krushë së Madhe.
Në këtë takim Zhbogar ka mësuar për përjetimet e rënda të këtyre grave, si dhe i ka inkurajuar ato që të vazhdojnë të merren me përpunimin e perimeve, duke u zotuar se do të gjejë forma për të ndihmuar rritjen e kapaciteteve përpunuese të grave fermere në Krushë të Madhe.
Kryetari i Rahovecit, Smajl Latifi, ka kërkuar që të organizohet një minikonferencë e donatorëve në Rahovec, ku do të shtroheshin për diskutim të gjitha nevojat e qytetarëve të kësaj komune.
“Ne kemi shumë nevojë për mbështetje konkrete financiare, pasi që bujqit e vyeshëm të Rahovecit duhet të shfrytëzojnë maksimalisht kushtet klimatike e tokësore të kësaj ane”, tha Latifi.
Sipas tij, ndihmat e deritashme të Komisionit Evropian janë dëshmuar si shumë të suksesshme.
SHqiponja06.03.2013/00:31
Qfar ... sie nuk shkon ne Mitrovic me i shiku e me i denu,bllokimet e rrugve qe sa vite po ne rahovec tek Hoqa e madhe,e shqipetarve vazhdone perpunimin e perimeve,qfar nenqmimi,nga nje komisioner i larte i EU.