Gruas dhe dy vajzave të Sopës, nga 30 ditë paraburgim

Prishtinë, 6 shkurt – (E plotësuar) Nga 30 ditë paraburgim iu është caktuar gruas dhe dy vajzave të të ndjerit Hamdi Sopa, raporton KTV-ja. Gjykatësi i procedurës paraprake në Gjykatën Themelore, departamenti për krime të rënda,  ka vendosur pro kërkesës së prokurorit, Blerim Isufaj.

Por, avokati mbrojtës i T.Sopës, gruas së Hamdiut, ka thënë se Isufaj nuk ka arritur në seacnë që të vërtetojë në mënyrë të artikuluar dyshimin e bazuar. Florin Vertopi ka shtuar se në bazë të Kodit të ri të Procedurës Penale, prokurori është i detyruar të paraqesë provat materiale detajisht edhe në seancën për caktimin e masës së paraburgimit, gjë të cilën prokurori nuk e ka bërë.

“Klientja ime e ka kundërshtuar kërkesën për caktim të paraburgimit dhe dyshimin e bazuar për të cilin prokurori thirret. Që të tria nuk e pranojnë kryerjen e kësaj vepre penale, për të cilën prokurori pretendon se e kanë kryer”, ka thënë Vertopi.

I pyetur se cili është versioni i tyre i ngjarjes, Vertopi nuk ka pranuar të flasë, me arsyetimin se po i dëmton hetimet. Por, ai nuk ka mundur as të thotë nëse ato qëndrojnë prapa deklarimit se Hamdi Sopa ka kryer vetëvrasje. Ndërkaq, në bazë të aktvendimit për zhvillimin e hetimeve, tani për tani nuk ka persona të tjerë të dyshuar, pos gruas dhe dy vajzave, A.Sopa dhe E.Sopa.


Gruaja dhe vajzat mohojnë vrasjen e Hamdi Sopës
Prishtinë, 6 shkurt - 09:01 - Vajza e madhe e të ndjerit Hamdi Sopa qante pa ndalur të mërkurën në Teatrin Kombëtar gjatë   komemoracionit.

Ndryshe dukeshin dy vajzat e tjera dhe bashkëshortja e të ndjerit, të cilat prej së hënës janë në paraburgim si të dyshuara për vrasjen dhe hedhjen e trupit nga ballkoni i katit të nëntë në Prishtinë.

Vajza e madhe është e lirë dhe nuk është e dyshuar për përfshirje në vrasjen e të atit, derisa dy motrat e tjera po, së bashku me të ëmën.

Profesoresha universitare T. Sopa ka mohuar edhe të martën se ka vrarë burrin e saj Hamdi Sopa. Këtë e kanë mohuar edhe vajzat e tij, A dhe E. Sopa, të cilat tek të mërkurën do të dërgohen në Gjykatë në seancë për caktim të paraburgimit sipas kërkesës së prokurorit Blerim Isufaj.

(Më gjerësisht lexoni sot në Koha Ditore)  

Komente (12)Shpërndaje artikullin

• 11:33Ymeri: Kosova nuk po guxon të kërkojë njohje nga Serbia
• 11:28Afganistani pezullon negociatat me SHBA
• 11:26Putin propozimin e Obamas e quan joserioz
• 11:23Sevilla cakton çmimin e Negredos
• 11:02FBI e pranoi shfrytëzimin e aeroplanëve pa ekuipazh
• 10:21Mosanëtarësimi i Kosovës në OKB ndër sfidat kryesore
• 10:12Pas pesë vjetësh gjendet aeroplani i zhdukur
• 10:08Kosova së shpejti hap Zyrë në Athinë
• 10:08Auditori zbulon shumë shkelje në Ministrinë e Punës
• 09:56Në Algjeri po rikthehet konkursi kombëtar i bukurisë