VV: Bisedimet pa kushte e bëjnë Serbinë edhe më të keqe
Artikujt tjerė
- Shpërthim i fuqishëm në veri, nuk ka të lënduar
- Sindikata e KEK-ut: Na rritni pagat, ose...
- Ruajtja nga hajnia zvarrit prokurimin e barnave?
- Shqiptarët në Chicago shënojnë 5-vjetorin e pavarësisë
- VV: Bisedimet pa kushte e bëjnë Serbinë edhe më të keqe
- Presidentja Jahjaga u kthye nga vizita në Gjermani
- Të martën hapen tri tema në dialogun Beograd-Prishtinë
- PDK-ja hesht për shpenzimet e konventës zgjedhore
- Zëvendësministri Petroviq, në mëngjesin e lutjeve te Obama
- Kolona të gjata në pikëkalimin e Bllacës
Prizren, 3 shkurt – Lëvizja VETËVENDOSJE! organizoi sot në Prizren një tribunë rreth temës “Ndalja e negociatave që po na ndalin zhvillimin shtetëror, shoqëror dhe ekonomik”Para qindra të pranishmëve folën nënkryetari, Shpend Ahmeti, kryetari Albin Kurti si dhe kryetari i qendrës së kësaj lëvizje në Prizren, Arbër Rexhaj.
Sipas Rexhajt, Kosova edhe sot e kësaj dite vazhdon të jetë peng i negociatave që duket se asnjëherë nuk do të kenë fund. “Që e ardhmja e fëmijëve tanë, që Kosova të jetë shtet sovran dhe me integritet territorial, me zhvillim ekonomik, që dëmin e këtyre negociatave mos ta mbajë në kurriz populli ynë, këto negociata duhet të ndalen menjëherë”.
Shpend Ahmeti u ndal tek zhvillimet socio-ekonomike, duke theksuar se Kosova është vendi më i varfër në botë, ku rreth gjysma e popullsisë së Kosovës jeton me më pak se 1.40 cent në ditë dhe se Kosova së fundi ka kaluar edhe Bosnjën sa i përket papunësisë. Sipas Ahmetit, Kosova është shteti i vetëm në botë që ende nuk ka sigurime shëndetësore, gjë që Vetëvendosje e parasheh në programin e saj qeverisës. Ndërkaq, duke folur për fondin e veçantë veriun, ai tha se me krijimin e këtij fondi po krijohet baza për autonominë e veriut.
Albin Kurti tha se bisedimet që po zhvillohen në Bruksel, po shoqërohen nga një mungesë totale e transparencës. “E vetmja transparencë e këtyre bisedimeve shpaloset përmes komunikatave që lëshon Brukseli”, tha ai, kurse pastaj foli përmendi edhe shtatë marrëveshjet që kishte arritur Edita Tahiri dhe shtjelloi dëmin që ato i kanë sjellë vendit.
Kurti shprehu bindjen se vazhdimi i bisedimeve me Serbinë pa kushte ndaj saj, e bën Serbinë edhe më të keqe.
“Ndërkaq, ata që thonë se ne nuk mund ta kushtëzojmë Serbinë sepse jemi të dobët, duhet ta kenë parasysh se kushte nuk vendosin ata që kanë fuqinë, por ata që janë seriozë”, përfundoi kreu i Vetëvendosjes.
