Reagon MPB: Rexhep Krasniqi shpif
Artikujt tjerė
- Bashkëpunim në drejtësi mes të Kosovës dhe Mbretërisë së Bashkuar
- Reagon MPB: Rexhep Krasniqi shpif
- Krasniqi vizitoi Kishën Katolike “Shën Ndou” në Prishtinë
- Ligjvënësit, të brengosur për gjendjen në MPJ
- Jahjaga: Dëmtimi i varrezave i papranueshëm
- Ambasada e SHBA-ve fuqishëm e dënon përdhosjen e varrezave
- Thaçi: Përjashtohet autonomia për serbët
- Me Serbinë s’bisedohet për organizimin e brendshëm të Kosovës
- Thaçi u takua me përfaqësuesit e vendeve të Kuintit
- Kosova ndër prioritetet e Irlandës gjatë kryesimit në BE
Prishtinë, 16 janar – MPB ka reaguar sot ndaj akuzave publike të përfaqësuesit të kompanisë “Iliricum.A”, Rexhep Krasniqi, duke i quajtur ato të pavërteta dhe shpifje. Në reagim thuhet:
Pas njoftimit nga ana e Drejtorit të Departamentit për krime ekonomike në Policinë e Kosovës në shkurt të vitit 2012, se ndaj kontraktuesit “Iiricum. A” janë duke u zhvilluar procedura hetimore në lidhje me zbatimin e kontratës për qiradhënie për të riatdhesuarit, Ministria e Punëve të Brendshme menjëherë ka marrë vendim me të cilin ka formuar komisionin për verifikim dhe konstatimin e gjendjes reale të akomodimit të personave të riatdhesuar.
Komisioni pas daljes në terren ka konstatuar se janë shkelur kushtet përmbajtjesore të kontratës “Marrja e banesave me qira, për familjet e kthyera” me numër identifikuar, 214 11 011 111.
Si prova për ndërprerje të kontratës janë, Raportet e Policisë nga Njësia për Hetimin e Krimeve Ekonomike dhe Korrupsion, raporti i komisionit për verifikim dhe konstatim të gjendjes reale(faktike) të akomodimit të personave të riatdhesuar, raportet e organizatave ndërkombëtare, shkresat elektronike lidhur me njoftimin për ndërprerjen e porosive dhe ndalesat e pagesave për banesat rezervë, shkresa elektronike dërguar operatorit ekonomik për ndërprerjen e kontratës nga MPB-ja. Të gjitha veprimet jam bërë konform legjislacionit përkatës në fuqi.
Për shkak të shkeljes së kushteve përmbajtjesore të kontratës dhe shkeljeve tjera edhe Njësia për Hetimin e Krimeve Ekonomike e Policisë së Kosovës ka ngritur kallëzim penal ndaj Rexhep Krasniqit, përfaqësues i kompanisë “Iliricum. A”
Natyra e kontratës së nënshkruar me këtë operator ekonomik është kontratë publike kornizë që implementohet vetëm me vendosjen e porosive nga ana e autoritetit MPB-së, që do të thotë se porosia mund të ndërpritet në çdo kohë, sipas nevojës së autoritetit kontraktues dhe paguhet vetëm për atë që e porositë.
Në vazhdim tabela krahasuese e shpenzimeve:
Nr | Krahasimet e shpenzimeve | Nr i banesave me qira | Kostoja me “ILIRICUM.A” | Kostoja e qirasë, realizimi përmes MPB-së | Paratë e kursyera |
1 | Kostoja e banesave me qira që i kanë kontraktuar Koordinatorët e | 232 | 79,677 € | 33,954.00 € | 45,722.55 € |
2 | Dhjetë (10) banesat rezervë që ju kanë paguar kompanisë “ILIRICUM.A” | 10 | 3,636.62 € | 00 € | 3,636.62 € |
3 | Akomodimi i përkohshëm shtatë (7) ditorë përmes kompanisë | 1 | 4,508.00 € | 00 € | 4,508.00 € |
4 | Ndërprerja e tridhet e tetë kontratave të banimit me qera nga | 38 | 12.316.85 € | 0 € | 12.316.85 € |
Totali i shpenzimeve për muaj |
|
| 100,138.42 € | 33,954.00 € | 62,184.42 € |
Kursimi vjetorë |
|
|
|
| 794,213.04 € |
Pas shkëputjes së kontratës me operatorin ekonomik, MPB ka vazhduar me akomodimin e personave të riatdhesuar përmes lidhjes së kontratave të drejtpërdrejta dhe si rezultat është ulur kostoja e shpenzimeve dhe është kursyer buxheti i MPB-së për shumën vjetore prej, 794,213.04 euro. Siç është në tabelën më lartë.
Gjithashtu pa dashur të hyjmë në gjykimin e përzgjedhjes së mediave për të pasqyruar informata, fillimisht duhet të merren informata përmbajtjesore për personin që intervistohet, sepse nuk është e drejtë që t’i jepet hapësirë e pa kufizuar një personi, ndaj të cilit është ngritur kallëzim penal dhe të sulmojë institucionet e vendit.
MPB sqaron opinion publik rreth të pavërtetave dhe shpifjeve të përfaqësuesit të kompanisë “Iliricum.A”, Rexhep Krasniqi. MPB respekton ndarjen e pushteteve dhe në asnjë rast nuk ndërhyrë në punën e drejtësisë. Si rezultat i punës së organeve të ndjekjes për këtë janë duke u zhvilluar procedurat gjyqësore.
