Ligjvënësit, të brengosur për gjendjen në MPJ
Artikujt tjerė
- Ligjvënësit, të brengosur për gjendjen në MPJ
- Jahjaga: Dëmtimi i varrezave i papranueshëm
- Ambasada e SHBA-ve fuqishëm e dënon përdhosjen e varrezave
- Thaçi: Përjashtohet autonomia për serbët
- Me Serbinë s’bisedohet për organizimin e brendshëm të Kosovës
- Thaçi u takua me përfaqësuesit e vendeve të Kuintit
- Kosova ndër prioritetet e Irlandës gjatë kryesimit në BE
- Lajçak: A e afron rezoluta zgjidhjen e Kosovës?
- Reeker kërkon zgjidhje për veri dhe shpërbërje të strukturave paralele
- Kryeministri Thaçi dënon aktin e dëmtimit të varrezave serbe në Fushë-Kosovë
Prishtinë, 16 janar - Komisioni për Punë të Jashtme ka mbajtur sot mbledhjen e tij të parë për vitin 2013, në të cilën është shqyrtuar dhe më pas edhe është miratuar Raporti vjetor i punës së Komisionit për vitin 2012. Raporti përmban aktivitetet kryesore të Komisionit përfshirë mbledhjet (23), temat themelore të trajtuara, shqyrtimin e projektligjeve, mbikëqyrjen e zbatimit të ligjit, takimet me komisionet homologe dhe delegacione të huaja si dhe vizitat e anëtarëve të Komisionit jashtë vendit.
Komisioni ka mbajtur dëgjimin e kandidatëve të propozuar për ambasadorë, ka organizuar takime raportuese të qeveritarëve para Komisionit si dhe ka hartuar dhjetëra raporte e rekomandime, sipas kompetencës për komisionet parlamentare dhe Kuvendin.
Duke pasur parasysh aktivitetet e zhvilluara gjatë këtij viti, Komisioni ka arritur në masë të madhe të përmbushë objektivat e paraparë në Planin dhe programin e punës së tij, është thënë në takim.
Anëtarët e Komisionit kanë shfaqur pakënaqësinë e tyre, sa i përket përgjigjes së ministrave dhe zv.kryeministrave për të raportuar lidhur me punën e dikastereve që i drejtojnë. Në këtë mes ata kanë veçuar Ministrinë e Punëve të Jashtme dhe ministrin Hoxhaj, i cili, siç është theksuar, vazhdon ta shpërfill Komisionin. Ata kanë shfaqur brengën e tyre për gjendjen e MPJ-së dhe të Shërbimit Diplomatik të Kosovës, duke vënë në pah me këtë rast jo vetëm mospërmbushjen e rekomandimeve të Kuvendit, në përfundim të interpelancës së ministri Hoxha para Kuvendit (më 11 tetor 2012), por edhe përkeqësimin e gjendjes për shkak të punësimit politik të individëve në këtë ministri, pa përfillur institucionin e konkursit dhe profesionalizmin e kërkuar të kandidatëve.
Në takimin sotëm është biseduar edhe për Planin dhe Programin e punës së Komisionit për vitin 2013, i cili ka mbetur të plotësohet dhe të miratohet në mbledhjen e radhës. Ndër aktivitetet është veçuar Konferenca Rajonale, në temën: ”Bashkëpunimi rajonal, integrimi evropian dhe roli i diplomacisë parlamentare”, e cila planifikohet të mbahet në Prishtinë, më 11 mars të këtij viti.
Në takimin e sotëm është vendosur që edhe një herë të ftohet ministri i Jashtëm për të raportuar për gjendjen në MPJ dhe Shërbimin Diplomatik të Kosovës, si dhe për shfrytëzimin e buxhetit të dedikuar, para se Komisioni ta thërrasë në interpelancë ministrin Hoxhaj, transmeton Zyra për media dhe marrëdhënie me publikun e Kuvendit të Kosovës.
