UNMIK-u nuk është i përfshirë në bisedime
Artikujt tjerė
- UNMIK-u nuk është i përfshirë në bisedime
- Vazhdojnë përplasjet në degët e PDK-së në Prishtinë e Viti
- Buzhala kundër Çelajt, pro Krasniqit
- Presidentja Jahjaga në hapjen zyrtare të “World Future Energy Summit”
- Wall Street Journal: NATO-ja e ngujuar në Kosovë
- Halbauer: FSK ka arritur progres të madh
- Pacolli nuk beson në koalicionin PDK – AAK
- Shefi i ri i EULEX-it vendos prioritet luftën kundër korrupsionit
- Sot vazhdon dialogu teknik, Beogradi me kërkesa të njëjta
- Nazim Bllaca kërkon llogari nga EULEX-i
Prishtinë, 15 janar - Misioni i OKB-së në Kosovë nuk është pyetur fare kur qeveria vendosi të ndërpresë pagat për stafin lokal të Zyrës në veri të Mitrovicës. Për këtë autoritetet serbe kanë vendosur që çështja jo vetëm e financimit, por edhe Zyrës në veri të bisedohet në Bruksel. Një zëdhënës i UNMIK-ut, Oliver Salgado, i ka thënë Radio Kosovës se UNMIK-u nuk është pyetur dhe nuk është i përfshirë fare në bisedimet në Bruksel.
Misioni i OKB-së në Kosovë po këmbëngul se është akoma e nevojshme mbetja e stafit të saj ndërkombëtar e vendor në veri, për të ndihmuar në parandalimin e konfliktit, ndërmjetësimin dhe lehtësimin e komunikimit në mes të dyja etniteteve në këtë pjesë të Kosovës.
Ky mision ishte detyruar një muaj më parë të ndërpres kontratat e stafit lokal në veri, pasi siç ka njoftuar UNMIK-u autoritetet vendore pa ndonjë paralajmërim i kanë ndërprerë financimin e saj.
Nevoja e paprekshmërisë ose jo të këtij stafi është paralajmëruar të diskutohet sot në nivelin e dy kryeministrave të Serbisë dhe Kosovës. Për këtë zyrtarët e UNMIK-ut njoftojnë të mos jenë përfshirë fare në konsultime.
Zëdhënësi i këtij misioni Oliver Salgado i ka thënë Radio Kosovës se tashmë kanë bërë të ditur problemin e financimit. Sipas tij misioni i OKB-së në Kosovë është duke pritur rezultatet e takimit në kryeministrave ,Thaçi e Daqiq.
Nga autoritet kosovare nuk është shpjeguar se çfarë saktësisht rreth UNMIK-ut do të diskutohet, përderisa burime brenda këtij misioni kanë thënë se kreu i tij Farid Zarif u ka përcjellë zyrtarëve vendorë se megjithatë për misionin vendoset në Nju-Jork.
Autoritet serbe, ndërkaq sipas raportimeve në media, vazhdojnë të kërkojnë mbetjen e stafit të plotë të UNMIK-ut në veri.
Ndërsa punëtorët serbë të UNKIK-ut, të cilët sipas të dhënave të policisë është mësuar se punojnë edhe për strukturat paralele janë deklaruar se do të punojnë edhe pa paga.
