Cruise feston para kohe ditëlindjen e Surit

18 Prill 2013 - 20:59      

Familja është e para për Tom Cruise. Edhe pse së fundmi ka qenë në udhëtime për të promovuar filmin e ri “Oblivion”, aktori 50-vjeçar u angazhua seriozisht për të kaluar pak kohë me vajzën e tij, Suri.

Familja është e para për Tom Cruise. Edhe pse së fundmi ka qenë në udhëtime për të promovuar filmin e ri “Oblivion”, aktori 50-vjeçar u angazhua seriozisht për të kaluar pak kohë me vajzën e tij, Suri.

Në një intervistë për një radio amerikane, kur është pyetur nga drejtuesi i një emisioni se si do ta festonte ditëlindjen e vogëlushes, më 18 prill, Cruise u përgjigj:

“E kemi festuar. Gjithçka u bë. Për fëmijët kujdesem më herët, duhet të kesh një plan përpara për këto gjëra. Gjithçka u bë dhe ditëlindja u festua”, rrëfeu Cruise.

Aktori nuk publikoi detaje specifike për kohën e kaluar me të bijën, por pranoi se bashkë me të kishin ngrënë shumë ëmbëlsira. “Ne hëngrëm ëmbëlsira, hëngrëm shumë, lloje-lloje”, tha Cruise.

Suri jeton me të ëmën, Katie Holmes, në Nju Jork, ndërkohë që Cruise është baba edhe i Isabella, 20 vjeçe dhe Connor, 18, të cilët i ka me ish-bashkëshorten Nicole Kidman.

Në intervistën radiofonike, aktori ka folur edhe për filmin e tij të fundit, “Oblivion”, ku interpreton bashkë me aktoren ukrainase, Olga Kurylenko.

“Është një histori që nuk e kam parë që prej “Minority Report”. Fantashkenca e sotme është si filmat e vjetër western, të cilët e tërhiqnin publikun në vende që nuk i kishte parë më parë. Me këtë film ne krijojmë një botë teknologjike, por gjithashtu japim edhe një histori shumë humane”, tha Cruise.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...