Dogana greke në grevë, kalimi vetëm këmbë

13 Tetor 2011 - 21:38      

Doganat greke prej së premtes do të jenë në një grevë 10 ditore.
Federata e punonjësve të Doganave greke njoftoi se greva do të fillojë më 14 dhe do të përfundojë më 24 tetor.

Athinë, 13 tetor - Doganat greke prej së premtes do të jenë në një grevë 10 ditore.

Federata e punonjësve të Doganave greke njoftoi se greva do të fillojë më 14 dhe do të përfundojë më 24 tetor. Kjo bëhet në shenjë proteste për përshpejtimin e votimit të projektligjit për pagat e unifikuara dhe sistemit të punës rezervë. Pasi gjatë këtyre 10 ditëve kufiri grek në të gjitha pikëkalimet do të mund të kalohet vetëm këmbë, pritet që greva e doganave të shkaktojë mungesa të theksuara në treg, si dhe spekulim me çmimet e karburanteve.

Sot dhe nesër Athina është pa transport urban dhe të premten grevës i bashkohen edhe shoferët e taksive, duke krijuar një kaos edhe më të madh në qarkullim.

Në grevë dy ditëshe nga nesër do të jetë edhe media shtetërore, por edhe avokatët për pesë ditë me radhë, pa harruar grevën pa afat të punonjësve të mirëmbajtjes, grevë e cila ka krijuar një shqetësim të madh në qytetet e Greqisë e veçanërisht në Athinë, ku rrugëve janë akumuluar mbi 6 000 tonë mbeturina.

Gjithçka ndodh pasi qeveria greke vendosi përshpejtimin e votimit në parlament, deri më 20 tetor, të projektligjit për sistemin e ri të pagave, personelin rezervë, por edhe vazhdimin e reformave strukturore.

Më 19 tetor është paraparë edhe greva e përgjithshme që pritet të paralizojë gjithë vendin.

 

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...