Edhe një viktimë nga virusi i ri në Kinë

1 Qershor 2013 - 09:32      

Rritet numri i viktimave të gripit të ri H7N9 në Kinë. Sipas autoriteteve lokale, një person në Shangai ka vdekur duke e çuar në 38 numrin e viktimave.

Pekin, 1 qershor -  Rritet numri i viktimave të gripit të ri H7N9 në Kinë. Sipas autoriteteve lokale, një person në Shangai ka vdekur duke e çuar në 38 numrin e viktimave. 

Deri më sot Shangai është qyteti më i goditur nga virusi, me 33 raste infeksione të konfirmuara, 15 prej të cilave kanë përfunduar me vdekje, ndërsa të tjerat nga shtrime në spitale. 

Shumica e këtyre të fundit kanë lënë dhomat e kujdesit shëndetësor dhe vetëm tre janë ende të shtruar, bëjnë me dije autoritetet. Në të gjithë vendin janë 131 rastet e infektimit me H7N9.

Rënia e variantit të ri të gripit të shpendëve në Kinë përbën një kërcënim serioz për shëndetin e njeriut. Gjithësesi, virusi H7N9 nuk ka qenë ende në gjendje të përhapej mes njerëzve, gjë që kufizon kërcënimin e tij global.

Kërcënimi duhet të trajtohet me qetësi, por seriozisht, kanë paralajmëruar studiuesit, të cilët janë të shqetësuar për ritmin e përhapjes së virusit dhe efektin e tij. Kjo, pasi ka pasur një numër të lartë infektimesh që nga konstatimi i rastit të parë në muajin prill.

Profesor John McCauley, drejtor i Organizatës Botërore të Shëndetësisë, thotë: “Është e vështirë të verifikosh shifrat”. Infeksioni nga virusi shkakton probleme serioze pneumonike, helmim të gjakut dhe madje ndalon organet së funksionuari.

“OBSH e konsideron virusin një kërcënim serioz, por në këtë fazë ne ende nuk e dimë nëse do të përcillet nga njeriu tek njeriu”, ka shtuar profesor McCuley.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...