Kapet në Greqi banda e trafikut të drogës, kryesohej nga shqiptarët

2 Maj 2013 - 15:31      

Policia greke ka shkatërruar një bandë të trafikut të drogës, e cila kryesohej nga shqiptarët. Sipas medieve greke mësohet se aksioni i policisë ka ndodhur në qytetin e Patras, ku bashkë me tre shqiptarët janë arrestuar edhe gjashtë shtetas grekë, mes të cilëve një femër, ndërkohë që janë shpallur në kërkim edhe shtatë persona të tjerë.
Sipas policisë, rrjeti dispononte një fermë në një fshat në afërsi të Patras, që e përdornin për të magazinuar drogën.

Patras, 2 maj - Policia greke ka shkatërruar një bandë të trafikut të drogës, e cila kryesohej nga shqiptarët. Sipas medieve greke mësohet se aksioni i policisë ka ndodhur në qytetin e Patras, ku bashkë me tre shqiptarët janë arrestuar edhe gjashtë shtetas grekë, mes të cilëve një femër, ndërkohë që janë shpallur në kërkim edhe shtatë persona të tjerë.

Sipas policisë, rrjeti dispononte një fermë në një fshat në afërsi të Patras, që e përdornin për të magazinuar drogën.

Dje pasdite, transmeton Shekulli, aty u arrestua një shtetas shqiptar i moshës 32 vjeç, në automjetin e të cilit u gjetën 5,2 kg kanabis, të paketuara në shtatë qese plastike.

Gjatë kontrollit në mjediset e fermës, u gjetën edhe 150 gramë heroinë e ngurtësuar, e ndarë gjithashtu në qese plastike.

Me ndihmën e qenve të specializuar në gjetjen e drogës, u gjet edhe një kuti e fshehur nën tokë, brenda të cilës ndodheshin qese me heroinë, me peshë të përgjithshme 2 kg e 480 gramë.

Në të njëjtin mjedis trafikantët kishin krijuar edhe një laborator të thjeshtë për presimin dhe ambalazhimin e drogës.

Përveç drogës, policia sekuestroi 23 telefona celularë, që përdoreshin gjatë trafikimit të drogës, gjashtë automjete, mes të cilave edhe një taksi, dhe një shumë prej 10.710 eurosh.

Sipas policisë, rrjeti kryesohej nga tre shqiptarët, të cilët gjenin drogën dhe pastaj ua jepnin shtetasve grekë për t’i shpërndarë.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...